07 Shkurt 2023

OHT prezanton projektin për zhvillimin e turizmit "Made in Kosova"

Prishtinë, 8 dhjetor - Oda e Hotelierisë dhe Turizmit të Kosovës (OHT) organizon ceremoninë zyrtare të prezantimit të projektit “Made in Kosova” që do të mbahet sot në Prishtinë.

Qëllimi i këtij projekti është Zhvillimi i turizmit dhe sensibilizimi i institucioneve për krijimin e projekteve ideore për turizëm të cilat ndikojnë të zhvillim socio-ekonomik.

Promovimi i web-faqes dhe krijimi i reklamës me titra në gjuhë të huaj dhe sponsorizim në projektin “Made in Kosova”.

Në këtë ceremoni do të marrin pjesë përfaqësues të Ministrisë së Punëve të Jashtme dhe Diasporës, përfaqësues nga ministritë tjera, përfaqësues të komunave të Kosovës si dhe përfaqësues nga organizata dhe shoqata tjera.

Projekti është financuar nga Ministria e Punëve të Jashtme dhe Diasporës dhe përmes tij synohet promovimi i resurseve natyrore të Republikës së Kosovës.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)