15 Gusht 2022

Numri i turistëve në Antalya këtë vit ka tejkaluar 9 milionë

Antaly, 23 dhjetor - Numri i turistëve që kanë mbërritur me rrugë ajrore qytetin turistik Antalya në Turqi këtë vit ka tejkaluar 9 milionë.

Në një deklaratë nga prefektura e qytetit thuhet se vazhdon të rritet numri i turistëve që vizitojnë Antalyan e cila me detin, rërën, diellin si dhe me historinë dhe bukuritë e saj natyrore është një prej qendrave më të rëndësishme të turizmit të Mesdheut.

Në Antalya, e cila vitin e kaluar e mbylli me rreth 3,5 milionë turistë për shkak të pandemisë së koronavirusit të ri (COVID-19), punimet e vaksinimit, Certifikimi i Turizmit të Sigurt dhe masat e rrepta kundër pandemisë në komplekse vazhdojnë të japin frytet e tyre, thuhet në deklaratë.

"Numri i turistëve të ardhur me rrugë ajrore për periudhën 1 janar - 21 dhjetor 2021 ka arritur në 9.002.217 duke shënuar rritje me 164 për qind në krahasim me periudhën e njëjtë të një viti më parë. Vitin e kaluar në të njëjtën periudhë Antalya u vizitua nga 3.410.044 turistë."

"Këtë vit Rusia renditet e para në mesin e vendeve që ka dërguar më shumë turistë në Antalya, e cila ndiqet nga Ukraina, Gjermania dhe Polonia", theksohet në deklaratë.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)