24 Shtator 2021

Goditja e turizmit nga Pandemia i ka kushtuar ekonomisë globale 4 trilionë dollarë

Gjenevë, 1 korrik - Goditja e pandemisë ndaj turizmit ndërkombëtar i ka kushtuar ekonomisë globale më shumë se 4 trilionë dollarë në 2020 dhe 2021, u tha gjatë Konferencës së OKB-së për Tregtinë dhe Zhvillimin (UNCTAD).

Turizmi ndërkombëtar dhe sektorët e tij të lidhur ngushtë pësuan një humbje e cila vlerësohet në 2.4 trilionë dollarë në vitin 2020, thuhet në raportin e paraqitur bashkërisht me Organizatën Botërore të Turizmit të OKB-së (UNWTO).

Turizmi ndërkombëtar parashikohet të rikthehet në gjysmën e dytë të këtij viti, por raporti i UNCTAD tregon ende një humbje prej 1.7 deri në 2.4 trilionë dollarë në 2021 në krahasim me nivelet e vitit 2019.

Kriza në turizëm rriti nivelin e papunësisë të fuqisë punëtore të pakualifikuar me 5.5 për qind mesatarisht, me një diferencë të lartë prej 0 për qind në 15 për qind, varësisht nga rëndësia e turizmit për ekonominë, thuhet më tej.

Fuqia punëtore përbën rreth 30 për qind të shpenzimeve të shërbimeve turistike në ekonomitë e zhvilluara dhe ato në zhvillim.

Duke treguar për një humbje të ngjashme këtë vit, raporti nënvizon se rimëkëmbja e turizmit do të varet kryesisht nga administrimi global i vaksinave kundër COVID-19.

Sekretarja e Përgjithshme e UNCTAD, Isabelle Durant theksoi rëndësinë e përpjekjes globale të vaksinimit për të mbrojtur punëtorët, për të zbutur efektet e pafavorshme sociale dhe për të marrë vendime strategjike në lidhje me turizmin, duke marrë parasysh ndryshimet e mundshme strukturore.

Sekretari i Përgjithshëm i UNWTO, Zurab Pololikashvili tha se avancimi i vaksinimit për të mbrojtur komunitetet dhe për të mbështetur rinisjen e sigurt të turizmit është thelbësore për rimëkëmbjen e vendeve të punës dhe gjenerimin e burimeve shumë të nevojshme.

Ndërsa normat e vaksinimit kundër COVID-19 ndryshojnë në mes shteteve, humbjet e turizmit janë zvogëluar në shumicën e vendeve të zhvilluara por përkeqësohen në vendet në zhvillim, të cilat mund të përbëjnë deri në 60 për qind të humbjeve globale të Prodhimit të Brendshëm Bruto (PBB) vuri në dukje raporti.

Në raport thuhet se vendet me nivele të larta vaksinimi, të tilla si Franca, Gjermania, Zvicra, Britania e Madhe dhe SHBA-ja do të rikuperohen më shpejt në sektorin e turizmit.

Megjithatë, ekspertët nuk presin një kthim në nivelet turistike ndërkombëtare para-pandemike deri në 2023 ose më vonë për shkak të kufizimeve të udhëtimit, mposhtjes së ngadaltë të virusit, besimit të ulët të udhëtarëve dhe një ambienti të dobët ekonomik, tha UNWTO-s.

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)