15 Gusht 2022

Australia nuk do të pranojë turistë të huaj deri në vitin 2022 E MËRKUR

Canberra, 6 tetor - Kryeministri australian Scott Morrison tha se turistët mund të vijnë në Australi vetëm nga viti i ardhshëm, pasi përparësi i është dhënë ardhjes së imigrantëve të kualifikuar dhe studentëve ndërkombëtarë.

Duke folur për Kanalin 7 të Australisë, Morrison foli në lidhje me përparësitë që do t’u jepen personave që do të vijnë në vend përmes kufijve ndërkombëtarë, të cilët janë mbyllur që nga marsi 2020 për shkak të pandemisë COVID-19 dhe është vendosur të rihapen në nëntor.

Ai tha se përparësi do t’u jepet australianëve jashtë vendit dhe se edhe qytetarët që kanë marrë dy doza të vaksinës do të karantinohen për shtatë ditë në shtëpitë e tyre.

“Nëse jeni të vaksinuar dy herë jashtë vendit dhe banoni në Australi, nëse jeni shtetas australian, nëse jeni anëtar i familjes së shkallës së parë, ju mund të udhëtoni brenda këtyre rregulloreve”, tha Morrison.

Kryeministri australian tha se turistët që do të vijnë në Australi nuk radhiten në dy vendet e parë në listën e përparësive dhe kjo kategori do të mund të hyjë në vend nga viti 2022.
 

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)