16 Maj 2022

Zharku dhe Meta hapën panairin “Albrelax 2010”

Tiranë, 30 shtator - Ministri i Tregtisë dhe Industrisë, Lutfi Zharku, me bashkëpunëtorë, po merr pjesë në panairin ndërkombëtar të mobilierisë “Albrelax 2010”, që po mbahet në Tiranë.

Hapjen solemne të panairit e bënë ministri i Tregtisë dhe Industrisë, Lutfi Zharku dhe zëvendëskryeministri i Republikës së Shqipërisë, Ilir Meta.

Në fjalën e tij, ministri i Tregtisë dhe Industrisë (MTI), Lutfi Zharku tha: \"Qeveria e Republikës së Kosovës përmes Ministrisë së Tregtisë dhe Industrisë përkrah dhe do të inkurajojë bashkëpunim ndërmjet bizneseve dhe promovimin e produkteve të tyre në tregjet rajonale dhe me gjerë.

Organizimi i panaireve të specializuara dhe pjesëmarrja e bizneseve në to, nuk është më thjesht vetëm prezantim i produkteve para konsumatorëve në një vend, por është shumë, më tepër.

Panairet paraqesin mundësi ideale për zhvillimin e bashkëpunimit të ndërsjellë mes biznese të vendeve të ndryshme, që njëkohësisht paraqesin forum për shkëmbim të ideve, shqyrtim të projekteve të niveleve regjionale, si dhe mundësi për tërheqje të investimeve nga vende të ndryshme\", theksoi Zharku.

Ministria e Tregtisë dhe Industrisë, respektivisht të Agjencisë për Promovimin e Investimeve dhe të USAID-it, kanë mbështetur Shoqatën e Përpunuesve të Drurit, në kuadër të së cilës po marrin pjesë 12 kompani kosovare, të cilat po i ekspozojnë produktet e tyre, si: dyer dhe dritare,  dollapë kuzhine, sirtarë, kolltukë, tavolina dhe dysheme druri.

Krahas ekspozimit të produkteve, afaristët po kontaktojnë edhe me afaristë të kompanive tjera pjesëmarrëse në panair për të shkëmbyer përvojat e tyre, si dhe për format e mundshme të bashkëpunimit.

Mbështetja e kompanive kosovare nga MTI-ia është bërë me qëllim të mundësimit të ekspozimit të produkteve të tyre në këtë panair, e që njëkohësisht edhe të hulumtimit të formave të ndryshme për të depërtuar në tregjet ndërkombëtare.

Panairi ndërkombëtar i mobilierisë “Albrelax” po mbahet në Pallatin e Kongreseve në Tirane, që ka filluar nga data 30 shtator, e që do të zgjasë deri me 3 tetor 2010.

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)