05 Korrik 2022

Trichet: Inflacioni nuk parashikon të ardhmen

Bruksel, 25 janar - Presidenti i Bankës Qendrore Europiane, Jean-Claude Trichet, ka thënë se norma e inflacionit në eurozonë duke përjashtuar çmimet e ushqimeve dhe të energjisë nuk është paralelisht edhe njësi matëse për presionin e inflacionit për të ardhmen.

Në një intervistë për të përditshmen Wall Street Journal, Trichet tha se rreziku më i madh në këto momente do të jetë ndalimi i procesit të reformave që u nisën gjatë krizës financiare dhe shtoi se masat e shtrëngimit të ekonomisë do të forcojnë dhe nuk do dëmtojnë procesin e ri-ngritje ekonomike në eurozonë.

\"Në rastin tonë, ne mendojmë se inflacioni thelbësor nuk është një parashikues i mirë për inflacionin kryesor në të ardhmen,\" tha Trichet për gazetën, duke shtuar se Banka Qendrore Europiane po garanton që inflacioni në çmimet e energjisë të mos eksportohet në çmimet e produkteve të tjera.

Inflacioni në eurozonë u rrit në 2.2 për qind në muajin dhjetor. Sipas statistikës kjo është hera e parë në më shumë se 2 vite që inflacioni kërceu përmbi nivelin e 2 për qind që Banka Qendrore Europiane synon ta ketë si kufi për këtë indeks.

Por nga ana tjetër statistika tregoi se inflacioni thelbësor i eurozonës qëndroi në nivel shumë më të ulët nga synimi i bankës së Evropës në vetëm 1.1 për qind për muajin dhjetor, përveç kësaj shumica e analistëve në tregje thanë se inflacioni thelbësor do të rriten me një ritëm shumë të ngadaltë përgjatë vitit, duke sugjeruar për përmbajtje dhe kontroll të presionit të çmimeve përbrenda eurozonës.

Në intervistë Presidenti i Bankës së Europës përjashtoi të gjitha spekulimet e analistëve se politika monetare e bankës do të përcaktohet nga leximi i vlerës së inflacionit kryesor dhe jo nga leximi i vlerës së inflacionit thelbësor. Trichet në intervistë tha se niveli aktual i normës bazë të interesit 1 për qind është niveli i duhur, pavarësisht deklaratës së bankës së europës një javë më parë se eurozona po përballet me presion të çmimeve në termat afatshkurtra.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)