02 Tetor 2022

Tregu i brendshëm BE-së vital për marrëveshje tregtare

Prishtinë, 27 prill - Dialogu i procesit të Stabilizim-Asociimit vazhdoi sot me një mbledhje midis autoriteteve kosovare dhe Komisionit Evropian. Pjesëmarrësit diskutuan çështjet që paraqesin bazat e bashkëpunimit evropian- tregun e brendshëm, konkretisht, qarkullimin e lirë të mallrave, të drejtat e pronës intelektuale, prokurimin publik, qarkullimin e kapitalit dhe shërbimeve financiare. 


Pjesëmarrësit shqyrtuar progresin në kornizën ligjore dhe kapacitetet administrative dhe zbatimin e prioriteteve të Partneritetit evropian.
Autoritetet kosovare prezantuan zhvillimet e fundit. Zyrtarët e Komisionet Evropian ofruan vlerësim të hollësishëm teknik dhe këshilla. Kosova shprehu përkushtimin e saj për t’u ballafaquar me sfidat e gjetura, për të përmirësuar kapacitetet administrative dhe për të zbatuar rekomandimet relevante të Partneritetit Evropian.


Komisioni Evropian ftoi autoritetet kosovare që t’i kushtojnë vëmendje të veçantë reformës së nevojshme të sistemit të prokurimit publik, po ashtu në aspektin e Raportit të progresit.


Përveç kontributit të drejtëpërdrejtë në Raportin e progresit të Komisionit Evropian, çështjet e tregut të brendshëm janë të rëndësishme po ashtu lidhur me perspektivën e arritjes së një marrëveshjeje eventuale tregtare në të ardhmen midis Kosovës dhe BE-së.


Mbledhja u përgatit dhe u bashkëkryesua nga Ministria e Integrimeve Evropiane dhe Drejtorati i Përgjithshëm për Zgjerim i Komisionit Evropian. Ministria e Tregtisë dhe Industrisë dhe Ministria e Ekonomisë dhe Financave, si dhe Banka Qendrore bënë prezantime lidhur me çështjet e nënvizuara më sipër.


Dialogu i PSA-së u fut në përdorim nga Komisioni Evropian në vjeshtë 2009 si një avancim i Mekanizmit Përcjellës i Procesit të Stabilizim-Asociimit më herët. 

Kalendari

Ngjarjet e datës 3 tetor 2022

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i ZyrÑ‘s pÑ‘r Qeverisje tÑ‘ MirÑ‘, Ahmet Kryeziu - Drejtor i Sawe the Children pÑ‘r KosovÑ‘, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)