05 Shkurt 2023

Tregtia botërore, mëkëmbje e fortë

Gjenevë, 16 mars - Në tre muajt e fundit të vitit 2010, tregtia botërore pati një rritje me 17 për qind në krahasim me të njëjtën periudhën e vitit të 2009.

Ndërkohë vëllimi i përgjithshëm i tregtisë arriti nivelin e para krizës. Të dhënat i bëri të ditur Organizata Botërore e Tregtisë, me seli në Gjenevë, pas publikimit të të dhënave të fundit statistikore më 14 mars.

Sipas OBT-së, motorët për këtë rritje janë ekonomitë e reja, ndër të cilat përfshihet Brazili, që shënoi rritje me 38% në eksport, India 28% dhe Kina 25%.

Veç tyre, SHBA-ja, që po del ngadalë nga kriza ekonomike shënoi rritje 18% në eksport.

Ndërkohë raporti i OBT-së, thotë se vendet evropiane shënuan rritje me vetëm 10%, çka madje nuk arriti në nivelin mesatar botëror. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)