18 Gusht 2022

Tregtia botërore humbi 107 miliardë euro nga vjedhja

Londër, 22 tetor - Humbja e tregtisë botërore për shkak të vjedhjes nëpër shitore sivjet është zvogëluar për 5,6 për qind, në krahasim me vitin e kaluar.

Sivjet, tregtia botërore nga vjedhja humbi 107 miliardë euro, tregon hulumtimi “Barometër global i vjedhjes në shitjen me pakicë”, të cilin e zbatoi Qendra britanike për hulumtim të tregtisë (CRR).

Raportin e vet CRR e mbështeti në anketimin e 1.103 përfaqësuesve të kompanive tregtare prej 42 vendeve, me ç’rast është konfirmuar se më së shumti vidhet në SHBA, e më së paku në qendrat e shitjes me pakicë në Austri, Hong Kong dhe Tajvan.

Nga shitoret më së shumti vidhen produkte të brendeve të njohura, telefonë celularë, aparate të imta elektronike, kozmetikë, parfume, veshje për fëmijë, pije alkoolike, mish, djath dhe kafe.

Të anketuarit në „Barometër-2010“ konsiderojnë se 42,2 për qind e të gjitha humbjeve (45,5 miliardë dollarë) shkaktohen për shkak të vjedhjeve në shitoret, ndërsa 35,5 për qind është rezultat i personelit të pandershëm (37,8 miliardë dollarë).

Pronarët e shitoreve në vendet e Amerikës së Veriut dhe asaj Latine konsiderojnë se shkaktar themelor për vjedhjen janë pikërisht të punësuarit, derisa në Evropë konsiderohet se vjedhësit janë më fajtorë se shitësit.

Humbje më të madhe nga vjedhja është regjistruar në Indi, Maroko dhe Brazil.

Mirëpo, sipas vlerës së mallrave të vjedhura, të parat janë Shtetet e Bashkuara të Amerikës.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)