08 Shkurt 2023

Toyota regjistron rënie të shitjeve shkaku i krizës së çipave

Tokio, 10 shkurt - Fitimet e Toyota-s shënuan rënie në tremujorin e kaluar, njoftoi sot prodhuesi japonez i automjeteve, duke theksuar vështirësitë me të cilat po përballen prodhuesit e automjeteve në krizën e çipave kompjuterikë të shkaktuar nga pandemia e COVID-19.

Fitimet e "Toyota Motor Corporation" për tre muajt deri në dhjetor arritën në 791.7 miliardë jen (6.9 miliardë dollarë), nga 838.7 miliardë jen vitin e kaluar.

Shitjet tremujore ranë me rreth 6 për qind në 7.2 trilionë jen (63 miliardë dollarë). Përfaqësuesit e Toyota-s pranuan se problemi i çipave mund të vazhdojë edhe gjatë vitit të ardhshëm fiskal.

Toyota shiti 2.5 milionë automjete në mbarë botën gjatë tremujorit të tretë fiskal, nga 2.8 milionë automjete në të njëjtën periudhë të një viti më parë.

Korporata gjithashtu uli parashikimin e shitjeve të vitit fiskal në 8.25 milionë automjete nga 8.55 milionë automjete nga sa i kishte më parë.

Po ashtu numri i fundit është më i mirë se 7.6 milionë automjetet që Toyota shiti vitin e kaluar fiskal, kur shitjet pësuan një goditje të rëndë nga pandemia.

Së bashku me prodhuesit e grupit si Daihatsu, që prodhon automjete të vogla dhe prodhuesi i kamionëve Hino, Toyota pret shitje me pakicë prej 10.29 milionë automjete për vitin fiskal, nga 9.9 milionë automjete gjatë vitit fiskal të mëparshëm.

Prodhuesi i sedanit Camry, Prius hibrid dhe marka luksoze Lexus ruajti parashikimet e fitimit të vitit fiskal të pandryshuar në 2.49 trilionë jen (21.7 miliardë dollarë).

Toyota regjistroi një fitim prej 2.2 trilionë jenësh vitin e kaluar fiskal.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)