30 Janar 2023

Të krijohet Komisioni Rregullativ për Derivate të Naftës dhe Gazit

Prishtinë, 17 mars - Oda e Afarizmit të Kosovës (OAK) sot i është drejtuar Kryeministrit të vendit përmes një shkrese, për të kërkuar që sa më parë të ndërmerren masa në përputhje me situatën ekonomike në vend dhe krizën që ka kapluar si pasojë e zhvillimeve të fundit globale me ngritjen enorme të çmimeve.

OAK ka kërkuar nga Qeveria e Republikës së Kosovës që ashtu siç kanë vepruar edhe shumë vende të rajonit tashmë, edhe Kosova të ndërmarr hapat e nevojshëm në mënyrë që të ulet akciza në derivate të naftës.

Ulja e akcizës, sipas OAK në mënyrë direkte do të ndikoj edhe në uljen e çmimit të derivateve të naftës, çmime këto të cilat në çdo vend të botës kanë pësuar ndryshime si rrjedhojë e luftës në Ukrainë dhe Rusi.

Gjithashtu, Oda e Afarizmit të Kosovës i ka propozuar Qeverisë së Republikës së Kosovës që të mos ngrijë çmimet e derivateve të naftës, por të krijoj një Komision Rregullativ për Derivate të Naftës dhe Gazit, ashtu siç kanë vepruar edhe vendet e rajonit (madje disa e këtë komision e kanë krijuar që një kohë të gjatë). Një ndër përgjegjësitë e Komisionit Rregullativ për Derivate të Naftës dhe Gazit do të përfshijë monitorimin e luhatjeve të çmimeve të derivateve të naftës dhe gazit si dhe përcaktimin e çmimit për shitje me shumicë dhe pakicë për periudha të caktuara, tre deri në katër javë.

Gjithashtu, ky komision mund të obligoj bizneset e sektorit të naftës, që të kenë rezerva të caktuara mujore, e cila do t’u mundësojë atyre të operojnë lehtësisht me çmimet e paracaktuara nga Komisioni Rregullativ për Derivate të Naftës dhe Gazit.

Nisur nga fakti që ndryshimet po janë të vazhdueshme, të papritura si dhe të reja për vendin tonë, OAK është e gatshme që të përkrahë Qeverinë e Republikës së Kosovës me propozime konkrete, në mënyrë që situata e krijuar aktuale të tejkalohet sa më shpejt dhe me sa më pak implikime për bizneset dhe shoqërinë në përgjithësi.

 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)