03 Korrik 2022

Shoqata e Afaristëve të Kosovës synon aftësimin e bizneseve

Prishtinë, 27 maj - Është promovuar Shoqata e Afaristëve të Kosovës (SHAKID), asociacioni më i ri i afaristëve të Kosovës, i cili është themeluar më 10 prill të këtij viti, me qëllim të tubimit, organizimit dhe bashkëpunimit mes të gjithë afaristëve në vend, tërheqjen e investitorëve të huaj, si dhe zbutjen e nivelit të papunësisë.

Nuhi Mazrek, kryetar i kësaj shoqate, ka thënë të enjten se shoqata është themeluar me përkrahjen e disa asociacioneve nga Turqia dhe Holanda me të cilët do të bashkëpunojnë për t’iu ardhur në ndihmë afaristëve.

“Organizimi i shoqatës është mbi bazën e afaristëve nëpërmes të cilës dëshirojmë t’ju ndihmojmë edhe bizneseve. Jo vetëm lobimi e krijimi i lehtësive e favoreve praktike e ligjore në interesin e afaristëve duke pasur për qëllim menaxhimin sa më të suksesshëm të biznesit, por edhe ndërlidhjen e afaristëve mbi bazë të interesave reciproke, krijimi i kontakteve, lidhjeve, bashkëpunimit mes afaristëve dhe bizneseve janë ndër qëllimet e tona”, ka thënë Mazrek.

Sipas tij, shoqata do t’i japë rëndësi të madhe zhvillimit të ekonomisë së vogël, ndërsa një kujdes i veçantë do t’i kushtohet edhe hapjes dhe zhvillimit të ndërmarrjeve të vogla e të mesme, aftësimin e biznesit në Kosovë për eksport, si dhe shumë të tjera.

“Dëshira jonë është që të aftësojmë bizneset në Kosovë për eksportin e produkteve, mallrave e shërbimeve, objektivat e Shoqatës së Afaristëve të Kosovës, janë, krijimi i sistemit të konkurrencës lojale në tregun kosovar, nxitja e investimeve të huaja, informimi i investitorëve potencialë të huaj mbi gjendjen e investimeve në Kosovë, resurset afariste, mundësitë atraktive investime dhe mbi mundësitë aktuale për tenderim, hapja e përfaqësive të ndërmarrjeve të huaja në Kosovë, vendosja e marrëdhënieve konkrete afariste ndërmjet afaristëve të Kosovës me ata të BE-së, Ballkanit dhe Turqisë”, ka thënë ai.

Metin Hysrev Ynler, ambasador i Ambasadës së Turqisë në Kosovë, ka përgëzuar afaristët për iniciativën e themelimit të kësaj shoqate, duke konfirmuar edhe një herë mbështetjen e vendit të tij për Kosovën si dhe inkurajimin që janë duke bërë me qëllim të tërheqjes së investitorëve të huaj.

“Ne të gjithë jemi dëshmitarë të zhvillimeve tejet pozitive kohëve të fundit në Kosovë. Edhe në fushën e ekonomisë janë duke u hedhur hapa të rëndësishëm. Pikërisht në këtë kontest është i nevojshëm investimi i investitorëve të huaj për të zbutur nivelin e papunësisë në Kosovë, posaçërisht në fushën e shëndetësisë, prodhimtari, dhe transport është i nevojshëm investimi i huaj. Ne si Ambasadë e Republikës Turke në Kosovë, si gjithë kolegët tanë, përfaqësuesit e komitetit ndërkombëtar në Kosovë, jemi duke inkurajuar biznesmenët turk që të vijnë të investojnë në Kosovë. Ne si ambasadë me kënaqësi jemi duke e vëzhguar rritjen e investimeve të investitorëve turq në Kosovë”, ka thënë ai.

Me rastin e përurimit të kësaj shoqate, panelistët e pranishëm, kanë debatuar edhe për rolin e asociacioneve biznesore në globalizim, për afaristët e Kosovës dhe sfidat karshi menaxhimit internacional, si dhe për investimet në pronat e palejueshme dhe siguria juridike.

Kalendari

Ngjarjet e datës 2 korrik 2022

- Qendra për Shërbime Humane dhe Zhvillim në bashkëpunim me Zyrën e UNICEF-it, organizon një aktivitet me prindërit dhe fëmijët për të përmbyllur “Muajin e Prindërimit”. (Parku i Gërmisë, ora 9:30)

- Komisioni për Arsim nga Lidhja Demokratike e Kosovës- Dega Gjilan, mban konferencë për medie. (Selia e LDK-së, ora 11:00)