08 Shkurt 2023

Shitja e automjeteve në BE regjistrojnë nivelin më të ulët historik

Bruksel, 18 shkurt - Shoqatës Evropiane të Prodhuesve të Automjeteve (ACEA) ka bërë të ditur se shitjet e automjeteve në Bashkimin Evropian kanë rënë në nivelin më të ulët historik në janar.

"Regjistrimet e automjeteve të pasagjerëve në BE ranë në 682.596 njësi muajin e kaluar, duke shënuar një rënie vjetore prej 6 për qind nga 726.491 në janar 2021", thuhet në deklaratën e ACEA.

Shitjet e automjeteve në BE janë tkurrur për shtatë muaj rresht që nga korriku 2021.

Megjithatë, disa vende në Evropën Qendrore shënuan rritje në janar, ku rritja më e lartë prej 72.6 për qind dhe 55.5 për qind u regjistruan në Sllovaki, respektivisht në Rumani.

Ndër tregjet kryesore të BE-së, Italia dhe Franca regjistruan humbje të mëdha prej 19.7 për qind, respektivisht 18.6 për qind.

Mungesa e vazhdueshme globale e gjysmëpërçuesve po ndikon ende negativisht në shitjet e makinave në të gjithë rajonin, theksoi ndër të tjera ACEA.

Në deklaratën e javës së kaluar, shoqata tha se "parashikon që regjistrimet e automjeteve të pasagjerëve në BE do të shkojnë drejt rritjes këtë vit, duke u rritur me 7.9 për qind për të arritur në 10.5 milionë njësi".

Megjithatë, deklarata thekson se shifrat "do të jenë ende pothuajse 20 për qind nën nivelet e shitjeve para pandemisë të 2019".

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)