11 Gusht 2022

SHBA: Tregu i punës dhe deficiti tregëtar përmirësohen

Washington, 10 shtator - Raporte për ekonominë të publikuara sot tregojnë se tregu i punës në SHBA dhe deficiti tregtar kanë shënuar pak përmirësim.

Departamenti i Punës thotë se numri i amerikanëve që kërkojnë asistencë papunësie ra me 27 mijë vetë javën e kaluar, duke e çuar numrin e përgjithshëm në nivelin më të ulët në dy muaj, në 451 mijë vetë.

Disa ekonomistë thonë se megjithë përmirësimin, tregu i punës vazhdon të jetë i dobët për të mbështetur shtimin e shpenzimeve të konsumatorëve në nivelin që të ndikojë tek shpejtimi i rimëkëmbjes ekonomike.

Një raport tjetër tregon se deficiti tregtar në SHBA u përmirësua në muajin korrik, ndërsa importet ranë dhe eksportet u rritën, duke kapur shifrën më të lartë në dy vjet.

Rritja e eksporteve u realizua nga zgjerimi i ekonomive të vendeve që janë partnere tregtie me SHBA.

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)