11 Gusht 2022

SHBA: Shitjet me pakicë dhe tregu i makinave shënojnë rritje

Washington, 15 shtator - Në Shtetet e Bashkuara, shitjet me pakicë në muajin gusht shënuan rritjen më të madhe në pesë muaj, duke ulur shqetësimet se ekonomia mund të bjerë përsëri në recesion.

Raporti i sotëm i departamentit të Tregëtisë tregon se shitjet me pakicë u rritën zero presje 4 përqind, pak më shumë se një muaj më parë.

Ekonomistët thonë se disa sektorë të luhatshëm si shitjet e makinave shënuan një rritje më të fuqishme prej zero presje 6 përqind.

Ekonomistët i vëzhgojnë nga afër këto shitje pasi kërkesat e konsumatorëve janë motori i aktivitetit ekonomik në Shtetet e Bashkuara.

Një raport tjetër nga departamenti i Tregëtisë sot tregon se bizneset amerikane shtuan inventarët e tyre gjatë muajit korrik.

Raporti thotë se vlera e mallrave dhe materialeve të papërpunuara që janë gati për shitje u rritën me një përqind në korrik, rritja më e madhe kjo në dy vjet.

Bizneset zakonisht rrisin inventarët e tyre kur shohin shenja të rritjes së kërkesës së konsumatorëve.

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)