28 Tetor 2021

SHBA: Kosova vend transit dhe përdorues i drogës

Washington, 2 mars - Departamenti amerikan i Shtetit nxori të hënën raportin vjetor për strategjinë ndërkombëtare kundër drogave. Në këtë raport thuhet se ndonëse Kosova është kryesisht një vend transiti për drogën afgane me destinacion Europën, evidenca të pakta nga policia e Kosovës sugjerojnë rritje të tregut të brendshëm të drogave.

Kosova përballet me sfida në betejën kundër trafikut të narkotikëve, meqenëse kufijtë e saj janë të brishtë dhe në mesin e policisë kufitare dhe doganës ka elementë të korruptuar. Policia e Kosovës vazhdon përpjekjet në luftën kundër tregtisë së drogës, por përballet me burime të kufizuara dhe nuk ka përparësi të madhe nga dega e antidrogës, thotë raporti, transmeton VOA.

Raporti vijon se Kosova miratoi strategjinë kombëtare kundër drogave në korrik të vitit të kaluar, por Ministrisë së Punëve të Brendshme ende i duhet të sigurojë burime për ta zbatuar plotësisht strategjinë. Kosova ende nuk është bërë anëtare e Konventës së vitit 1988 të Kombeve të Bashkuara për drogën.

EULEX i, ndryshe nga UNMIK u, ka autoritet ekzekutiv tejet të kufizuar. Shtetet e Bashkuara dhe Bashkimi Evropian vazhdojnë të japin asistencë teknike për zbatimin e ligjit, përfshirë trajnimin dhe pajisjet që do të ndihmojnë Kosovën që të luftojë me efikasitet trafikun e narkotikëve. Policisë kufitare të Kosovës, thotë raporti, i mungojnë mjetet më minimale, ndërkohë që trafikantët e drogës përfitojnë nga kontrolli i dobët i kufirit në Kosovë.

Trafikantët shfrytëzojnë disa rrugë të cilat nuk kontrollohen nga policia. KFOR i nuk e ka të mandatuar luftën kundër këtij trafiku. Informatat në konsumimin e brendshëm të drogave janë grumbulluar nga UNICEF-i dhe organizata joqeveritare “Labyrith”, që pohojnë se ka një treg lokal në rritje dhe se përdorimi i drogave po shtohet.

Ato shtojnë se nivelet e përdorimit të drogave mes adoleshentëve dhe të rinjve të moshave universitare të cilët janë përdoruesit kryesorë, janë afër niveleve të shumicës së vendeve të Evropës Perëndimore. Nuk ka përllogaritje të sakta mbi numrin e përdoruesve të drogës, por UNICEF i thotë se mund të jenë rreth 20 mijë, shumica përdorues të heroinës, megjithëse duket se kokaina po njeh popullaritet.

Raporti thotë se Kosova ka bërë përparim të kufizuar në nismat kundër drogave gjatë vitit 2009. Pjesëtarët e antidrogës të policisë së Kosovës përballen me shumë sfida. Burimet e tyre janë të kufizuara dhe antidroga nuk ka përparësi kryesore për qeverinë e Kosovës.

Veç kësaj, të dhënat mbi kapjet e drogave, arrestimet dhe dënimet janë shumë të pabesueshme dhe jo konsekuente. Është e vështirë të përllogaritet se deri ku influencohet trafikimi i drogave nga korrupsioni. Ndërkohë që nuk ka fakte për korrupsion të sistemit në Policinë e Kosovës apo doganë, ka njoftime për korrupsion individual, të cilin zyrtarët po përpiqen ta trajtojnë.

Rastet e njoftuara përfshijnë policë që mbyllin njërin sy për trafikun e drogave ose pranojnë ryshfete për të lejuar kalimin e drogës në kufi. Siç vë në dukje raporti, nuk ka njoftime që lenë të kuptosh se qeveria e Kosovës apo zyrtarët e saj të lartë inkurajojnë apo lehtësojnë prodhimin apo shpërndarjen a paligjshme të drogave apo substancave të tjera narkotike, apo nëse pastrojnë përfitimet nga shitja e drogës.

Megjithëse Kosova është kryesisht një vend transiti për drogën afgane me destinacion Evropën, evidenca të pakta nga policia e Kosovës sugjerojnë një rritje të tregut të brendshm. Të dhënat rreth drogës që futet në atë vend janë të dobëta ndërkohë që nuk ka fare të dhënat rreth drogës që del nga Kosova.

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)