08 Shkurt 2023

SHBA do t'i shesë Polonisë 250 tanke

Washington, 18 shkurt - Zyrtarët amerikanë njoftuan se Washingtoni do t'i shesë Polonisë 250 tanke luftarake ‘M1 Abrams’ për të rritur sigurinë e vendit në mes të tensioneve të përshkallëzuara me Rusinë mbi Ukrainën.

Të premten sekretari i Mbrojtjes Lloyd Austin u tha gazetarëve në Varshavë se ai dhe sekretari i Shtetit Antony Blinken kanë informuar Kongresin për qëllimin e tyre për të shitur mjetet ushatarake.

"Afati kohor për dorëzimin e tyre është aktualisht në diskutim", tha zoti Austin.

Polonia njoftoi planet këtë verë për të blerë tanke nga Shtetet e Bashkuara si pjesë e një marrëveshjeje me vlerë rreth 6 miliardë dollarë, por shitja po vonohej.

Zoti Austin tha se blerja e këtyre tankeve nga Polonia do të ndihmojë gjithashtu për të "siguruar një ndarje më të barabartë" të përgjegjësive të mbrojtjes brenda aleancës së NATO-s.

Austin falënderoi Poloninë për pritjen e 4700 ushtarëve të tjerë amerikanë që janë të përgatitur të përgjigjen nëse Rusia sulmon Ukrainën.

Në Poloni ndodhen 9,000 deri në 10,000 trupa amerikane që nga urdhrat shtesë në fillim të këtij muaji të Presidentit Joe Biden për dislokime forcash ushtarake.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)