14 Gusht 2022

SHBA: Banka Qendrore le të pandryshuara interesat

SHBA, 22 shtator - Në takimin e tyre sot në Uashington, drejtuesit e Bankës Qendrore amerikane debatuan mbi rrugë të tjera për nxitjen e ekonomisë por vendosën të mos i lëvizin interesat për një farë kohe.

Mbajtja në nivele të ulta e interesave është një përpjekje për të shtuar aktivitetin ekonomik. Por në kushtet kur këto interesa janë shumë afër zeros, një ulje e mëtejshme është e pamundur.

Për këtë arësye Banka Qendrore diskutoi  alternativa të tjera. Një prej tyre ishte blerja e një numri të madh bonosh të Thesarit nga Banka Qendrore. Kjo do të rriste sasinë e parasë në qarkullim duke ua bërë më të lehtë kompanive për të marrë kredi dhe për të punësuar më tepër njerëz.

Një shenjë që tregon se ekonomia po shfaq përmirësim është treguesi i ndërtimit  të shtëpive të reja, që sipas njoftimit të sotëm të Departamentit të Tregtisë u rrit më tepër se 10 përqind në muajin gusht.

Kjo nënkupton se në sektorin e patundshmërive, të prekur rëndë nga kriza, po duket një farë përmirësimi. Problemet në këtë sektor ishin një nga shkaqet kryesore që nxitën recesionin.

Kalendari

Ngjarjet e datës 13 gusht 2022

- Lidhja Demokratike e Kosovës mban konferencë për medie. (Selia qendrore e LDK-së, ora 12:00)

- Nën përkujdesjen e kryetarit të Komunë së Gjilanit, Alban Hyseni do të bëhet rivarrimi i dëshmorit, Enver Pacolli nga varrezat civile në Hajvali në varrezat e dëshmorëve në Gjilan, për nder të ditëlindjes së tij. (Varrezat e dëshmorëve në Gjilan, ora 12:00)
 
- Mbahet dita e dytë e festivalit “Mal Fest” në Malishevë i cili synon të jetë tradicional dhe objektiv e ka rininë dhe mërgatën e Komunës së Malishevës. (Parku i qytetit në Malishevë, ora 19:00)

- - Në kuadër të Akademisë Verore ‘’Arbën Xhaferi" behët promovimi i librit "Teknologjia e Lajmit" e autort Zylyftar Bregu ku i pranishëm do të jetë edhe kryetari i Komunës së Vushtrrisë Ferit Idrizi poashtu Ambasadori i Shqipërisë, Qemal Minxhozi. (Kalaja e Vjetër e Vushtrrisë, ora 19:30)