07 Shkurt 2023

Serish bie çmimi i naftës në tregun botëror

New York, 2 dhjetor - Çmimet e naftës në tregun botëror ranë për shkak të pasigurisë në prag të takimit të grupit OPEC+, i cili do të mbahet më 4 dhjetor.

Çmimi i referencës ndërkombëtare të naftës Brent ishte në 86,68 dollarë për fuçi mëngjesin e sotëm, pas një rënie prej 0,33 për qind.

Standardi amerikan West Texas Intermediate (WTI) u tregtua me 80,33 dollarë për fuçi, pasi ra me 0,27 për qind.

Tregu është në pasiguri pasi nuk dihet rezultati i takimit final të OPEC-ut për këtë vit.

Gjatë takimit të tetorit, Organizata e Vendeve Eksportuese të Naftës (OPEC) dhe grupi OPEC+, i cili përbëhet nga vende prodhuese jashtë OPEC-ut, vendosën të ulin prodhimin ditor të naftës me dy milionë fuçi duke filluar nga nëntori.

Ekspertët nuk janë të sigurt se çfarë do të vendosë grupi OPEC+ të dielën, por prodhuesit e naftës pritet të veprojnë pasi të shqyrtojnë pasojat e mundshme të kufizimit të naftës ruse, i cili do të hyjë në fuqi më 5 dhjetor.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)