25 Tetor 2021

Rritet çmimi i naftës pas vendimit të OPEC

New York, 3 qershor - Çmimet e naftës u rritën me optimizmin se tregjet janë në gjendje të thithin fuçi shtesë pasi prodhuesit kryesorë të naftës ritheksuan vendimin e tyre për të rritur prodhimin e tyre deri në korrik.

Standardi ndërkombëtar i naftës së papërpunuar Brent u tregtua me 70.48 dollarë për fuçi në mëngjes me një fitim për 0.32 për qind pasi u mbyll të martën me 70.25 dollarë për fuçi.

Brendi amerikan West Texas Intermediate (WTI) tregtohej me 67.86 dollarë për fuçi në të njëjtën kohë me një rritje prej 0.20 për qind pas mbylljes së mëparshme me 67.72 dollarë për fuçi.

Nafta Brent arriti në mbi 70 dollarë për fuçi menjëherë pas takimit të OPEC-plus të martën.

23-anëtarët e Organizatës së Vendeve Eksportuese të Naftës (OPEC) dhe aleatët e saj, të njohur si OPEC-plus ranë dakord të qëndrojnë në kuotën e saj të prodhimit të rënë dakord më parë e cila kërkon që karteli të rritë gradualisht prodhimin deri në korrik, duke cituar "se kërkesa e naftës tregon shenja të qarta të përmirësim”.

Grupi kishte rënë dakord për të rritur prodhimin e tij me 350 mijë fuçi në ditë në maj dhe qershor dhe 400 mijë fuçi në ditë në korrik. Frenimi shtesë i prodhimit të Arabisë Saudite prej 1 milion fuçi në ditë gjithashtu do të hiqet gradualisht me një rritje të prodhimit prej 250 mijë fuçi në ditë në maj, 350 mijë fuçi në ditë në qershor dhe 400 mijë fuçi në ditë në korrik.

Me kuotën e re të prodhimit, prodhimi kolektiv i grupit do të arrijë 5.8 miliardë fuçi në ditë në korrik.

Duke ushtruar presion për rritjen e çmimit të naftës, grupi vuri në dukje forcimin e bazave të tregut, me kërkesën për naftë që tregon shenja të qarta përmirësimi dhe rënien e stoqeve të OECD, ndërsa rimëkëmbja ekonomike vazhdon në pjesën më të madhe të botës me përshpejtimin e programeve të vaksinimit.

Rimëkëmbja ekonomike, veçanërisht në SHBA dhe Kinë, konsumatorët më të mëdhenj të naftës në botë, sinjalizon një rikthim të kërkesës për naftë përpara rritjes së pritshme të lëvizshmërisë gjatë periudhës verore.
 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)