25 Tetor 2021

Rritet çmimi i naftës 'Brent', 72 dollarë fuçia

New York, 27 gusht - Janë rritur sërish çmimet e naftës në bursa, mes frikës se mund të ketë ndërprerje të prodhimit dhe prej ecurisë së pandemisë.

Çmimi i naftës bruto "Brent", që merret si çmimi standard për botën dhe kontinentin europian, është rritur me 9 % gjatë javës, e kaloi në vlerën, 72 dollarë fuçia.

Ndërkohë nafta bruto amerikane ndali mbi 68,5 dollarë fuçia, nga 62 dollarë një javë më parë.

Ndryshimet gjatë ditës u ndikuan nga natyra, përkatësisht nga uragani i fortë që pritet të lëvizë në fundjavë nga Karaibet në Gjirin e Meksikës e Teksas, një zonë ku operojnë disa rafineri kryesore nafte dhe gazi brenda SHBA-së.

Kompanitë thanë se kanë nisur të evakuojnë punonjësit dhe kanë pezulluar prodhimin në platformat përpunuese në det.

Rritjen e çmimeve raportohet se e influencoi edhe lajmi se Kina po arrin ta kontrollojë përhapjen e valës infektuese të llojit "Delta" të Covid-19, çka jep shpresa që këtë vit të mos ketë më kufizime si vjet, për sa i përket transportit nëpër botë.

Ndërkohë, pritet edhe lëvizja e OPEK-ut më 1 shtator, kur aleanca e vendeve prodhuese të naftës do të takohet për të vendosur për mbajtjen njësoj apo shtimin e prodhimit në treg.

Grupi kryesohet nga Arabia Saudite dhe Rusia dhe është vënë nën presionin e Amerikës që t'i stabilizojnë e ulin çmimet e naftës.

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)