30 Janar 2023

Rënie e prodhimtarisë japoneze dhe shitjes së automjeteve

Tokio, 2 qershor - Prodhimtaria japoneze e automobilave dhe eksporti në prill pësuan rënie rekorde për më shumë se 60 për qind, pas tërmetit katastrofal dhe cunamit të 11 marsit, lajmëroi shoqata japoneze e prodhuesve të automobilave.

Prodhimtaria e përgjithshme vendore e automobilave, kamionëve dhe autobusëve është zvogëluar në prill për 60,1 për qind në krahasim me periudhën e njëjtë të një viti më herët, pasi katastrofa e madhe natyrore solli deri te mbyllja e një vargu të impianteve dhe ndërpreu zinxhirin për furnizim, lajmëroi shoqata e prodhuesve të automobilave në Japoni.

Eksporti i automjeteve japoneze, nga ana tjetër, është zvogëluar për 67,8 për qind në krahasim me periudhën e njëjtë të vitit të kaluar. Kjo paraqet rënien më të madhe të shënuar të prodhimtarisë dhe eksportit, deklaroi zëdhënësja e shoqatës për AFP-në.

Prodhimtaria e automjeteve në Japoni në prill ka shënuar rënie në 292.0011 prej 731.829 automjeteve të regjistruara në muajin e njëjtë të vitit të kaluar, derisa eksporti është zvogëluar në 126.061 automjete përballë 391.540 të eksportuar në prill të vitit 2010, bëhet e ditur në kumtesën e shoqatës së prodhuesve japoneze të automjeteve.

Shumica e prodhuesve të pjesëve automobilistike të cilat janë kyçe për prodhimtarinë e automjeteve janë vendosur në prefekturat e Japonisë që ishin më së shumti të goditura nga stuhia.

Fabrikat e tyre janë dëmtuar në tërmetin me magnitudë prej 9,0 ballëve sipas Rihterit apo ishin përmbytur nga hovi i fuqishëm i cunamit që vijoi dallga e të cilit arrinte edhe deri në 10 metra lartësi, ndërsa e goditi bregdetin verilindor japonez.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)