03 Shkurt 2023

Pritet barazimi i euros me dollarin

SHBA, 1 qershor - Vetëm gjatë muajit maj, euro ka rënë kundrejt dollarit me rreth 6.5 %, ndërsa nga fillimi i vitit mbi 15 %.

Kursi i euros gjatë vitit të ardhshëm, për shkak të krizës së borxheve në Evropë, mund të bjerë në vetëm një dollarë, që është niveli i shënuar për herë të fundit në korrik 2002, transmeton agjencia AP.

Ekspertët e kompanisë financiare amerikan \"Morgan Stanley\" mendojnë se në periudhën e ardhshme duhet pritur dobësim të euros.

Ata parashohikojnë që në tremujorin e parë të vitit të ardhshem, euro të bjerë në 1.12 dollarë, por pas kësaj parashohikojnë forcim të konsiderueshëm të monedhës së vendeve të eurozonës.

Euro dje kishte vlerën e më pak se 1.23 dollarë, në bursën e monedhave në Londër, pasi investitorët në gjithë Evropën vazhdojnë të shqetësohen nga mundësia e pasojave të rënda të krizës greke të borxheve tek vendet tjera të eurozonës, dhe veçanërisht në vendet më të rrezikuara, në Portugali dhe Spanjë.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)