09 Dhjetor 2021

Papunësia në eurozonën në nivel të lartë rekord

Bruksel, 1 maj - Niveli i papunësisë në 16-të vendet në eurozonën gjatë muajit mars, arriti rekord 10 për qind, ndërsa më shumë se 100.000 njerëz, vetëm gjatë muajit të kaluar mbetën pa punë.

 

Këto janë të dhënat e fundit të Agjencisë evropiane për statistikë Eurostat.

Megjithatë, papunësia në eurogrupin në mars mbeti i njëjtë si gjatë muajit shkurt. Sipas të dhënave të Eurostat-it, Spanja ka rritur nivelin e papunësisë dhe arriti madje 19.1 për qind, ndërsa nga ana tjetër Latvia ka nivel rekord të papunësisë ose 22.3 për qind.

Për dallim nga këto dy vende, Gjermania përjetoi përparim në këtë fushë dhe e zvogëloi nivelin e papunësisë prej 7.4 në 7.3 për qind.

Po ashtu edhe inflacioni në prill arriti 1.5 për qind, për dallim nga muaji i kaluar kur arrinte 1.4 për qind.

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)