03 Shkurt 2023

Pa çmime reference me Shqipërinë

Prishtinë, 24 qershor - Ka filluar nga e premtja zbatimi në praktikë i marrëveshjes së para dy ditëve për heqjen e çmimeve të referencës në mes të Kosovës e Shqipërisë.

Këtë e konfirmuan zëvendëskryeministrja, Mimoza Kusari Lila, si dhe menaxherë të kompanisë “Bylmeti”.
Çmimet e referencës për prodhimet kosovare që caktoheshin nga Doganat e Shqipërisë dhe që krijonin pakënaqësi të theksuara ndër bizneset tona, nuk po aplikohen nga sot.


Këtë e konfirmoi ministrja e Tregtisë dhe Industrisë, Mimoza Kusari Lila. “Sot kemi marrë lajmin e mirë që kompania “Bylmeti” e cila është ballafaquar dy herë me aplikimin e çmimit referentë ka arritur të eksportojë në Shqipëri pa aplikimin e këtij çmimi”, ka pohuar ajo.
Fatura e një litër qumështi të freskët që caktohej nga kompania në vlerë prej 25 cent, nga Doganat e Shqipërisë dyfishohej.

Kjo e pengonte kompaninë në fjalë të realizonte eksport për shkak të ngritjes së çmimit. Heqjen e çmimeve të referencës, e konfirmoi edhe vet pronari i Bylmetit, Ymer Berisha.


“Nga sot, kam informata nga kamioni që posa ka arritur në Shqipëri, nuk është aplikuar çmimi referent, pra është aplikuar çmimi i faturuar realisht. E falënderoj ministren Kusari-Lila e cila ka qenë shumë aktive dhe na ka mundësuar të vazhdojmë punën normale me Shqipërinë”, ka pohuar ai.

Kosova gjatë kësaj periudhe ka mbiprodhim të qumështit të freskët, ndërkaq në Shqipëri për shkak të turizmit, ka kërkesë më të madhe. Ndryshe, çmimet e referencës janë aplikuar në rastet e dyshimeve se çmimet e faturuara janë më të ulëta se çmimi real i tregut.(RB)

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)