08 Shkurt 2023

OEK mban konferencë "Zhvillimi i NVM-ve në Ballkanin Perëndimor"

Prishtinë, 14 maj - Oda Ekonomike e Kosovës në bashkëpunim me organizatën SPARK do të organizoj konferencën me temën “Zhvillimi i NVM-ve në rajonin e Ballkanit Perëndimor”, e cila do të organizohet si aktivitet i veçantë në kuadër të Javës Evropiane të NVM-ve në Kosovë për vitin 2010.

Në këtë konferencë përveç pjesëmarrjes së përfaqësuesve institucional dhe atyre nga sfera e biznesit Kosovar, pjesëmarrës do të jenë edhe përfaqësuesit nga Odat Ekonomike Rajonale dhe përfaqësues të bizneseve nga këto vende, të cilët do të prezantojnë eksperiencen e tyre në zhvillimin e NVM-ve në rajonin e Ballkanit dhe më gjërë.

Organizimi i kësaj konference ka për qëllim që t’u mundësoj NVM-ve në Kosovë të mësojnë dhe të informohen nga vendet tjera të rajonit për zhvillimin e NVM-ve, dhe gjithashtu do të jetë një mundësi e mirë për të krijuar kontakte në mes të ndërmarrësve ekzistues dhe atyre potencial, si dhe të zhvillohen ide të reja për t’i ndihmuar ndërmarrësit që të zhvillojnë aktivitetin e tyre në nivelin rajonal.

Gjatë pjesës së parë të kësaj konference do të diskutohet rreth mundësive të rritjes së NVM-ve në kontekstin e bashkëpunimit ekonomik rajonal, ndërsa gjatë pjesës së dytë do të diskutohet rreth marrëdhënieve tregtare me BE-në, ku do të debatohet rreth avantazheve dhe disavantazheve të hyrjes në raportet tregtare me shtetet anëtare të BE-së.

Gjithashtu, është planifikuar që gjatë këtij aktiviteti të organizohen edhe takime bilaterale në mes të ndërmarrjeve vendore dhe atyre ndërkombëtare, ku ato do të kenë mundësinë e takimit dhe të diskutimit me përfaqësues të bizneseve nga vendet e ndryshme të rajonit, të cilëve do t’ju jepet mundësia që përmes kontaktit të drejtpërdrejtë të gjejnë mënyrën e tyre të bashkëpunimit në të ardhmen.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)