28 Tetor 2021

OAK reagon ndaj vendimeve te reja të ekzekutivit

Prishtinë, 19 dhjetor - Në një reagim të cilin Oda e Afarizmit të Kosovës (OAK) i drejtoi Ministrit te Tregtisë dhe Industrisë dhe Ministrit të Shëndetësisë shprehu shqetësimin e thellë ndaj vendimeve të pakoordinuara të Qeverisë së Republikës së Kosovës.

Duke iu referuar sqarimeve të publikuara mbrëmë nga MTI, në fillim ftohen operatorët ekonomikë që të parashtrojnë ankesë në Inspektoratin e Tregut të MTI-së kundër çdo veprimi administrativ të ndërmarrë nga inspektorët e tregut, që konsiderohen në kundërshtim me ligjet dhe vendimet në fuqi, meqenëse vendimi i Qeverisë nr.01/42, në listën e lejimit të ushtrimit të veprimtarive ka përfshirë edhe sektorin e produkteve ushqimore respektivisht marketet.

Kurse, më vonë, në sqarimin plotësues njoftohen bizneset dhe opinioni publik se Vendimi i Qeverisë së Republikës së Kosovës, nr.01/42, i datës 11.11.2020, do të vazhdojë të zbatohet ashtu siç është zbatuar deri më tani.

OAK kërkoi që vendimet të cilat ndërrmerren nga Qeveria e Kosovës si dhe ministritë përkatëse të jenë në koordinim të plotë mes tyre, duke mos shkaktuar konfuzitet dhe paqartësi tek operatorët ekonomik, e duke krijuar humbje shtesë edhe ashtu të goditur nga pandemia.  

Ndër të tjera u kërkua që për çdo vendim të marrë nga ekzekutivi të jetë i informuar paraprakisht sektori i biznesit.

Vendimet e tilla ad-hoc po janë të paqarta dhe po shkaktojnë konfuzitet tek qytetarët dhe bizneset, andaj OAK kërkoi që vendimet e Qeverisë të jenë më të koordinuara në mënyrë që të mos pengojnë punën e sektorit privat, veçanërisht në këtë periudhë kur bizneset dhe vetë ekonomia e vendit gjendet në gjendjen më të vështirë si rezultat i pandemisë.

 

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)