23 Tetor 2021

OAK kërkon kontrolla më të shpeshta nga Inspektorati i Tregut

Prishtinë, 22 dhjetor - Asgjësimi i mallit me afat të skaduar ishte tema kryesore e takimit të realizuar ndërmjet përfaqësuesve të Odës së Afarizmit të Kosovës dhe Kryeinspektorit të Tregut, Lulzim Syla.

Kryetari i Bordit të Odës së Afarizmit të Kosovës, Skënder Krasniqi, kërkoi që kontrollat nga Inspektorati i Tregut të jenë më të shpeshta, pasi që kohëve të fundit kemi pranuar ankesa të shumta nga marketet lidhur me asgjësimin e mallit me afat të skaduar.

Sipas marketeve, aktualisht produktet me afat të skaduar mblidhen në depo dhe presin për rikthim tek prodhuesi apo distributori. Në momentin e kthimit të mallit, ka shumë raste kur nuk janë prezent përfaqësues, qoftë nga Inspektorati i Tregut, Inspektorati Sanitar, ATK apo edhe Policia.

Kthimi i produktit me afat të skaduar tek prodhuesi apo distributori, lejon mundësinë e keqpërdorimit siç është ndërrimi i datës së produktit dhe rikthimi i të njejtit në treg. Një veprim i tillë përveç që ndikon në shëndetin e gjithë shoqërisë tonë, njëkohësisht po vë në pozitë të pa lakmueshme marketet, pasi që dyshimi fillestar për këto keqpërdorime nga inspektorët bie tek marketet e jo tek prodhuesi apo distributori.

Ndërsa, anëtari i bordit Hysni Zogaj, kërkoi që asgjësimi të bëhet në vendin e ngjarjes, e jo në depo të furnitorve.

Kryeinspektori i Tregut, Lulzim Syla, përgëzoi odën për punën e bërë deri më tani, duke shtuar që bashkëpunimi është shumë i nevoshjëm, në mënyrë që të krijohen kushte sa më të favorshme për të bërit biznes në vend.

Është shqetësuese të dëgjosh që ende kemi prezente raste të tilla, dhe vlen të theksohet që ne si Inspektorat jemi duke pranuar kërkesa të vazhdueshme për asgjësim të mallit dhe asnjëherë nuk hezitojmë të bashkëpunojmë në këtë aspekt, shtoi Syla. Ai kërkoi bashkëpunim edhe nga marketet, që në raste të kthimit të mallit, t’i njoftojnë paraprakisht, në mënyë që të jenë present në vendin e ngjarjes.

Sipas Kryeinspektorit Syla, punën e Inspektoratit të Tregut po e vështirëson mos harmonizimi me Komunat, pasi që sipas ligjit Inspektorët Komunal ani pse përdorin të gjitha resurset e Komunës, janë në dispozicion të Inspektoratit, mirëpo një gjë e tillë nuk po ndodh në realitet. Përmirësimi i kësaj linje të komunikimit, do të lehtësonte punën e Inspektoratit dhe do të bënte që bizneset të jenë të kënaqura, shprehu Syla.

Ne takim u biseduan edhe kerkesat e Inspektoratit e që OAK mund të loboj tek institucionet.

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)