14 Gusht 2022

Ngritja e çmimit të bukës në 40 cent, reagon BSPK

Prishtinë, 20 dhjetor - Çmimi i bukës në tregun vendor është shtrenjtuar, në 40 centë për një bukë 400 gramëshe. 

Me këtë rast Bashkimi i sindikatave të pavarura të Kosovës (BSPK) shpreh shqetësimin e vet dhe reagon ashpër për këtë dukuri e cila direkt atakon popullatën e Kosovës e sidomos shtresën e cila jeton në varfëri të skajshme.

Rritja e këtyre çmimeve e rrezikon standardin e më shumë se 70% të popullatës.

Kryetari i BSPK-së, Haxhi Arifi ka deklaruar se BSPK-ja kërkon nga Qeveria e Kosovës që të intervenojë me mjete të nevojshme në mënyrë që çmimi i bukës të mos ngritet dhe të bëhet i papërballueshëm për shumicën e punëtorëve dhe qytetarëve të Kosovës.

“Përderisa konsiderohet, se shtrenjtimi i bukës është i papërballueshëm, furrtarët këtë veprim e arsyetojnë me rritjen e çmimit të grurit dhe miellit në tregun botëror”, ka thënë Arifi.

BSPK-ja gjithashtu sipas tij kërkon nga Qeveria e Republikës së Kosovës që përmes lehtësimeve të ndryshme t’u ndihmojë furrtarëve dhe atyre që e bëjnë furnizimin me miell në mënyrë që të mbahet nën kontrollë ngritja e çmimit të këtij artikulli. Ndryshe grevat do të jenë të pashmangshme!

Edhe kryetari i sindikatës së bujqve, Tahir Tahiri, thotë se rritja e çmimit të bukës vjen edhe si pasojë e rendimenteve tepër të ulëta të prodhimtarisë së grurit në Kosovë.

Tahiri, thotë se Qeveria është dashur të intervenojë me mjete financiare dhe forma tjera, si heqja e TVSH-së, lirimi i naftës për furrtarët, si dhe krijimi i rezervave shtetërore të drithërave, në mënyrë që të pengohej ngritja e çmimeve.

Kalendari

Ngjarjet e datës 13 gusht 2022

- Lidhja Demokratike e Kosovës mban konferencë për medie. (Selia qendrore e LDK-së, ora 12:00)

- Nën përkujdesjen e kryetarit të Komunë së Gjilanit, Alban Hyseni do të bëhet rivarrimi i dëshmorit, Enver Pacolli nga varrezat civile në Hajvali në varrezat e dëshmorëve në Gjilan, për nder të ditëlindjes së tij. (Varrezat e dëshmorëve në Gjilan, ora 12:00)
 
- Mbahet dita e dytë e festivalit “Mal Fest” në Malishevë i cili synon të jetë tradicional dhe objektiv e ka rininë dhe mërgatën e Komunës së Malishevës. (Parku i qytetit në Malishevë, ora 19:00)

- - Në kuadër të Akademisë Verore ‘’Arbën Xhaferi" behët promovimi i librit "Teknologjia e Lajmit" e autort Zylyftar Bregu ku i pranishëm do të jetë edhe kryetari i Komunës së Vushtrrisë Ferit Idrizi poashtu Ambasadori i Shqipërisë, Qemal Minxhozi. (Kalaja e Vjetër e Vushtrrisë, ora 19:30)