08 Shkurt 2023

Nafta kap shifra rekord, kalon mbi 100 dollarë për fuçi

New York, 24 shkurt - Çmimi i naftës ka shkuar në mbi 100 dollarë, pasi presidenti Putin nisi një "operacion special ushtarak" në rajonin lindor Donbas të Ukrainës.

Çmimi i naftës së papërpunuar Brent arriti në 102.30 dollarë për fuçi, niveli më i lartë për më shumë se shtatë vjet. Rusia është eksportuesi i dytë më i madh i naftës së papërpunuar, dhe është gjithashtu eksportuesi më i madh në botë i gazit natyror.

Lajmi goditi gjithashtu çmimet e aksioneve, me tregjet aziatike të aksioneve që pësuan  rënie të ndjeshme.

Bursa e Moskës pezulloi tregtimin të enjten menjëherë pasi rubla ra në nivelin më të ulët që nga fillimi i vitit 2016.

Çmimi i arit – i cili konsiderohet një aset parajse në kohë pasigurie – u rrit me 2%.

Në përgjigje të veprimit ushtarak të Rusisë, udhëheqësit e Bashkimit Evropian thanë se do të vendosin më shumë sanksione ndaj Rusisë.

Këshilli Evropian tha se do të "impononte pasoja masive dhe të rënda ndaj Rusisë për veprimet e saj".

SHBA dhe BE kishin vendosur tashmë një sërë sanksionesh në përgjigje të veprimeve të Putinit kundër Ukrainës.

Britania e Madhe ka ngrirë asetet e pesë bankave dhe tre miliarderëve rusë, të cilët gjithashtu janë goditur me ndalime udhëtimi.

Të martën, Boris Johnson tha se këto sanksione ishin vetëm "breshëria e parë" dhe mund të zgjateshin.

SHBA rriti gjithashtu presionin ndaj Rusisë të mërkurën duke vendosur gjoba ndaj firmës ruse që qëndron pas gazsjellësit Nord Stream 2 dhe oficerëve të saj të korporatës.

Nord Stream 2 është një tubacion 1,200 km nën Detin Baltik, i cili është projektuar për të marrë gazin nga bregdeti rus pranë Shën Petersburgut në Lubmin në Gjermani.

Të martën, Gjermania ngriu miratimin përfundimtar për tubacionin, i cili është ndërtuar por nuk është në funksion.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)