28 Nëntor 2021

MTI-ja po angazhohet t’i ndihmojë bizneset

 Prishtinë, 14 gusht - Ministri i Tregtisë dhe Industrisë, Vesel Krasniqi, ka zhvilluar një takim virtual me përfaqësues të UNDP-së në Kosovë, me të cilët ka diskutuar për mundësinë e bashkëpunimit.

Ministri Krasniqi i ka informuar përfaqësuesit e UNDP-së për vështirësitë me të cilat po ballafaqohet Kosova, e në veçanti bizneset në këto rrethana të krijuara nga pandemia.

Ministri ka potencuar angazhimin e Qeverisë së Kosovës se me miratimin e paketës për rimëkëmbje ekonomike, që sipas tij, pritet të marrë dritën jeshile edhe në Kuvendin e Kosovës, do të krijohen mundësi për t’i ndihmuar bizneset.

“Pos këtij programi të Qeverisë, Ministria e Tregtisë dhe Industrisë është duke u angazhuar që t’i ndihmojmë bizneset edhe në forma të tjera”, është shprehur ministri Krasniqi.

Ministri ka kërkuar nga UNDP-ja që ta mbështesë atë në projektet për ndihmë bizneseve duke ua prezantuar një projekt konkret, që përfshin angazhimin e 600 të të diplomuarve, të cilët do të angazhoheshin nëpër biznese.

 “Studentët e sapo diplomuar do të kenë mundësi që studimin teorik të tyre ta jetësojnë në praktikë. Në këtë mënyrë pos që do t’i ndihmojë në aftësimin profesional të tyre njëkohësisht do t’i ndihmojë edhe bizneseve nga angazhimi i tyre”, është shprehur ministri.

Për realizimin e këtij projekti, ministri Krasniqi ka thënë se do të kërkojë mbështetje edhe nga organizatat tjera ndërkombëtare që bashkërisht ta realizojnë këtë projekt.

Përfaqësuesit e UNDP-së kanë vlerësuar angazhimin e ministrit Krasniqi duke thënë se mbështetja për aftësi dhe shkathtësi profesionale nuk ka munguar asnjëherë nga UNDP-ja duke premtuar se do t’i shikojnë të gjitha mundësitë që edhe ky projekt të nisë së zbatuari. 

 

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)