28 Tetor 2021

MINT përgenjeshtron Insajderin për publikimin e një artikulli të pavërtetë

Prishtinë, 4 gusht - Ministria e Industrisë, Ndërmarrësisë dhe Tregtisë (MINT) reagon ndaj Gazetës “Insajderi.org”, e cila ka botuar dhe disa portale të tjera e kanë rishpërndarë një artikull të pavërtetë, që akuzon ministren e MINT Rozeta Hajdari për shkelje të ligjit lidhur me Agjencinë e Metrologjisë së Kosovës (AMK).

Në shkrimin e “Insajderi.org”  pretendohet se ministrja Hajdari gjoja ka favorizuar një kompani të naftës, duke urdhëruar zyrtarët e AMK-së të verifikojnë mjetet matëse të kompanisë përkundër konfliktit të interesit. Artikulli ilustron pretendimet me pjesë nga letërkëmbimi zyrtar, por fsheh qëllimisht dhe me keqdashje pjesët e letërkëmbimit, që dëshmojnë korrektësinë e ministres Hajdari dhe nëpunësve të AMK-së.

Në rastin në fjalë, një operator ekonomik ka kërkuar verifikimin e mjeteve matëse të rrjedhës me kapacitet mbi njëmijë (1 mijë) litra në minutë.

Ndonëse AMK është i vetmi institucion që mund të verifikojë pajisjet e këtij kapaciteti në Republikën e Kosovës, ndërsa drejtori i përgjithshëm i në atë kohë, Ferki Fejza, ka ndaluar vartësit e tij të kryejnë shërbimin për gjoja konflikt interesi dhe ka sugjeruar që Kabineti i Ministres të gjejë zgjidhje.

Pasi vartësit kanë shprehur mospajtim dhe pasi z. Fejza ka dështuar të shpjegojë shkaqet, bazën juridike ose standardin ndërkombëtar që ndalon kryerjen e shërbimit, ministrja Hajdari ka udhëzuar AMK-ne të shqyrtojë kërkesën e palës.

Kjo rrjedhë e ngjarjes zbulohet saktë në letërkëmbimin e censuruar nga gazeta “Insajderi.org”. Autori i artikullit me dashakeqësi e ka fshehur të vërtetën dhe ka botuar gënjeshtrën, duke sulmuar padrejtësisht ministren Hajdari dhe duke hedhur baltë mbi punën e zyrtarëve të AMK-së.

Ferki Fejza muajin e kaluar është pezulluar nga detyra e drejtorit të përgjithshëm të AMK-së dhe më pas është larguar nga shërbimi civil për një varg shkeljesh të rënda, të elaboruara në vendimin e Këshillit Shtetëror për Vlerësim dhe Disiplinë.

Që nga pezullimi, më pas shkarkimi i z. Fejza, puna e Agjencisë së Metrologjisë është bërë cak i lajmeve të rreme në disa media vendore.

Ministria e Industrisë, Ndërmarrësisë dhe Tregtisë mbetet e gatshme të bashkëpunojë me media dhe gazetarë dhe t'u ndihmojë të përmbushin misionin e tyre profesional, por jo duke fshehur të vërtetën qëllimshëm dhe duke denigruar institucionin.

 

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)