19 Gusht 2022

Ministrja e MTI-së, Mimoza Kusari-Lila udhëtoi për në SHBA

Prishtinë, 21 mars - Zëvendëskryeministrja për ekonomi dhe njëherësh ministrja e Tregtisë dhe Industrisë, Mimoza Kusari-Lila, me bashkëpunëtorë, sot udhëtoi për në Shtetet e Bashkuara të Amerikës, e cila do ta udhëheqë  delegacionin kosovar, për të marrë pjesë në “USA Balkan Samit” , që do t’izhvillojë punimet në datat 23-24 mars, në Baltimore të Marylandit në SHBA.

Samiti organizohet për herë të parë në Amerikë dhe ka për qëllim rritjen e bashkëpunimit ekonomik të vendeve të Ballkanit Perëndimor me Shtetet e Bashkuara të Amerikës.

Ky samit ka përkrahjen edhe të Departamentit  të Shtetit, ku pritet të marrin pjesë kompanitë më të njohura amerikane, si dhe do të ketë një përfaqësim në nivel të lartë politik të vendeve të rajonit.

Në ekipin kosovar pjesëmarrës do të jetë edhe ministri i Infrastrukturës, Fehmi Mujota, si dhe përfaqësues të Odës Ekonomike të Kosovës dhe Odës Ekonomike Amerikane.

Kalendari

Ngjarjet e datës 19 gusht 2022 - Kryetari i Komunës së Mitrovicës, Bedri Hamza nënshkruan marrëveshje bashkëpunimi me Shoqatën Bamirëse “Jetimat e Ballkanit” për ndërtimin e Qendrës Kryesore të Mjekësisë Familjare në Mitrovicë. (Hotel Palace në Mitrovicë, ora 10:00)

= Mbahet ceremonia solemne e vënies se gurthemelit të ndërtesës së re të Qendrës Kryesore të Mjekësisë Familjare “Dr.Nexhat Çuni” tek ish objekti i KRU “Mitrovica”. (Rruga “Bislim Bajgora” Mitrovicë, ora 12:00)