23 Maj 2022

Ministri Zharku udhëtoi për në Munih të Gjermanisë

Prishtinë, 24 shkurt - Ministri i Tregtisë  dhe Industrisë, Lutfi Zharku, me bashkëpunëtorë,  udhëtoi sot për në Munih të Gjermanisë, ku do të marrë pjesë në konferencën për promovimin e investimeve, që do të mbahet më 25 shkurt 2010.

Konferenca është organizuar nga Agjencia për Promovimin e Investimeve, respektivisht nga Zyra për promovimin e investimeve në Vjenë dhe në bashkëpunim me  Odën e Industrisë dhe Tregtisë së Munihut.

Në  konferencë, përveç ministrit Zharku, do të raportojnë për klimën dhe mundësitë për investime në Kosovë edhe zyrtarë të lartë të Qeverisë së Kosovës, zyrtarë të Agjencisë për Promovimin e Investimeve në Kosovë, përfaqësues të Odës Ekonomike të Kosovës dhe përfaqësues të Odës së Industrisë dhe Tregtisë së Munihut. Po ashtu edhe përfaqësuesit e kompanive gjermane të cilët kanë investuar në Kosovë do të raportojnë për përvojat e tyre në Kosovë.

Interesim për të marrë pjesë në këtë konferencë kanë shprehur më shumë se 100 kompani gjermane të sektorëve të ndryshëm, të gatshme për t’u njohur me mundësitë që ofron Kosova për investitorët e jashtëm.

Konferenca mbahet në vazhdën e konferencave të planifikuara për këtë vit nga Agjencia për Promovimin e Investimeve në Kosovë, e që është një mundësi e mirë për ta paraqitur klimën e favorshme dhe joshjen e investitorëve për investime në Kosovë.Your browser may not support display of this image.

Kalendari

Ngjarjet e datës 23 maj 2022

- Ministria e Administrimit të Pushtetit Lokal, në bashkëpunim dhe në mbështetje të Agjencisë Zvicerane për Zhvillim dhe Bashkëpunim, BE-së, Suedisë dhe Norvegjisë organizon ceremoninë e Grantit të Performancës për vitin 2020, ku do të ndahen edhe shpërblimet për komunat përfituese. (Hotel Emerald, ora 9:30)

- Komisioni për Ekonomi, Industri, Ndërmarrësi dhe Tregti diskuton me bordin e ZRrE-së, pas situatës së krijuar nga Aktvendimi i Gjykatës së Apelit për tarifat e energjisë elektrike. (Ndërtesa e Kuvendit, salla N10, ora 10:00)

- Ministria e Kulturës, Rinisë dhe Sportit do të organizoj ceremoninë për dhënien e shpërblimit shtetëror për boksieren Donjeta Sadikun, fituese e medaljes së bronztë në Kampionatin Botëror të boksit që u mbajt në Stamboll.  kabinetin e Ministrit Hajrulla Çeku ora 10:15)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 11:00)  

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:30)

- Komisioni për Integrim Evropian shqyrton Projektligjin për Këshillin Prokurorial të Kosovës, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, N302, ora 11:30)

- Mbahet ceremonia e hapjes e shkollës së RE e muzikës “Halit Kasapolli” ku do të merr pjesë edhe kryetari i Komunës së Pejës, Gazmend Muhaxheri. (Pejë, ora 12:00)

- Presidentja e Republikës së Kosovës, Vjosa Osmani Sadriu, viziton komunën e Junikut, ku do të pritet nga kryetar i kësaj komune, Ruzhdi Shehu. (Junik, ora 12:30)

- Fondacioni Kosovar për Shoqëri Civile dhe Misioni i USAID organizojnë lansimin e Programit për Angazhim Qytetar në rajonin e Gjakovës. (Pallat i Kulturës “Asim Vokshi” në Gjakovë, ora 12:30)
 
- Presidentja e Republikës së Kosovës, Vjosa Osmani Sadriu, së bashku me Presidentin e Republikës së Shqipërisë, Ilir Meta vendosin lule tek busti i heroit Edmond Hoxha, në Junik. (Junik, ora 12:50)
 
- Presidentja Osmani dhe Presidenti Meta do të marrin pjesë në Manifestimin e shënimit të 110-Vjetorit të Kuvendit të Junikut. (Shkolla Fillore e Mesme e Ulët “Edmond Hoxha” në Junik, ora 13:00)

- Ministri i Financave, Punës dhe Transfereve Hekuran Murati mban konferencë për media. (Ndërtesa e Qeverisë, salla P32, ora 13:00)

- Zëvendëskryeministrit Besnik Bislimi lidhur me Dialogun me Serbinë raporton para Komisionit për Punë të Jashtme dhe Diasporë. (Ndërtesa e Kuvendit, N303, ora 14:00)

- Partia Demokratike e Kosovës, mban konferencë për media.  (Selia Qendrore e PDK-së, 14:00)

-  Lidhja Demokratike e Kosovës mban konferencë për media. (selia qendrore e LDK-së, ora 15:00)
 
- Oda Ekonomike Gjermano - Kosovare organizon Darkën Gala me rastin e 10 vjetorit të themelimit. (Hotel Emerald, ora 19:00)