03 Shkurt 2023

Maqedonia, Deficiti arriti 940 milionë dollarë

Shkup, 8 qershor - Republika e Maqedonisë në shkëmbimin e jashtëm tregtar me botën në katër muajt e parë të këtij viti shënon deficit prej 940.8 milionë dollarë, bëri të ditur Enti shtetëror për statistikë.

Evident është rritja e sasisë së përgjithshme e shkëmbimit tregtar në periudhën e cekur, i cili mbërriti 3.6 miliardë dollarë, që është për 40 për qind më shumë se në krahasim me periudhën e njëjtë të vitit të kaluar.

Maqedonia në katër muajt e parë të vitit ka realizuar eksport prej 1.33 miliardë dollarëve, që paraqet rritje prej 46.5 për qind, ndërsa importi arriti 2.27 miliardë dollarë, që është për 43.1 për qind më shumë se në krahasim me vitin e kaluar.

Mbulesa e importit me eksportin arrin 58.7 për qind, që paraqet rritje të butë në krahasim me muajt paraprak.

Shkëmbimi tregtar për prodhime tregon se në eksportin pjesëmarrje më të madhe kanë katalizatorët e bartësve,  feronikli, prodhimet e hekurit dhe çelikut, veshja dhe përpunimet e naftës.

Në importin më së shumti janë të përfaqësuara platina dhe legjurat e platinës, nafta e papërpunuar, automjetet dhe energjia elektrike./

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)