03 Shkurt 2023

MAP ende se ka definuar statusin e institucioneve mikrofinanciare

Prishtinë, 2 qershor - Udhëheqësit e bordit të organizatës mikrofinanciare KEP, në krye me kryetarin bordit të drejtorëve Kenneth Patterson dhe zëvendësi i tij, Leo Macgillivray janë pritur nga Ministrja e Ministrisë së Administratës Publike, znj. Edita Tahiri, dhe bashkëpunëtorët e saj.

Temë e këtij takimi, ishte edhe veprimtaria e kësaj organizate dhe planet e tyre për të ardhmen si dhe mundësia që statusi i këtyre strukturave të zhvillohet më tutje, në harmoni me rrethanat e reja të krijuara në vendin tonë, pas shpalljes së shtetësisë.

Ministrja Edita Tahiri ka shprehur falënderimin për kontributin dhe ndihmën e dhënë Kosovës dhe shoqërisë në përgjithësi në kohë tranzicionit të pas luftës, duke ofruar kredi të vogla dhe të mesme në sferë të rëndësishme.

Tahiri ka theksuar se jemi duke shqyrtuar mundësin për ridefinimin e statusit të këtyre institucioneve mikrofinanciare dhe për një zgjidhje adekuate në përputhje me realitet e reja të krijuara.

Përfaqësuesit e KEP-it, kanë shtruar nevojën e transformimit të këtyre strukturave mikrofinanciare, në mënyrë që ato të përshtaten me evoluimin e përgjithshëm të vendit pas pavarësisë së Kosovës.  

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)