30 Janar 2023

Kusari - Lila: Masat e paralajmeruara do të aplikohen për të gjithë

Prishtinë, 9 qershor -  Sot gjatë ditës, Ministrja Mimoza Kusari-Lila u takua me përfaqësues të Odës Ekonomike dhe të Bizneseve të Federatës së Bosnes e Hercegovinës, të cilët u interesuan për masat e paralajmëruara ndaj produkteve të Serbisë dhe Bosnjes.

Gjatë takimit, ministrja shpjegoi situatën në të cilën gjendet ekonomia e Kosovës dhe nevojën që bizneset kosovare të kenë sa më shumë qasje në tregjet e huaja.

Ajo, po ashtu, rikujtoi që masat e paralajmëruara ndaj Serbisë e Bosnjes kanë të bëjnë me përpjekjet që bizneset kosovare dhe ekonomia në tërësi të trajtohet si e barabartë në rajon dhe gjetiu.

Përfaqësuesit e Odës Ekonomike të B&H shprehen mirëkuptim lidhur me masat e paralajmëruara dhe në të njejtën kohë paraqiten edhe brengën e tyre lidhur me dëmet që do t’i shkaktohen bizneseve të Federatës së Bosnjes.

Ata gjithashtu e njoftuan ministren se kanë  pasur kontakte me ministra në nivel të Fedratës, që të lobojnë për pranimin e vulave doganore të Kosovës, mirëpo pranuan se problemi është politik dhe ka të bëjë me kompozicionin e shtetit në Bosnje&Hercegovinë.

Problem shtesë paraqet edhe fakti se, që nga mbajtja e zgjedhjeve në tetor, ende nuk është krijuar qeveria në nivel të Konfederatës.

Ministrja e MTI-së Kusari-Lila shprehu mirëkuptimin dhe keqardhjen për bizneset individuale të Federatës se Bosnjes, mirëpo theksoi se masat e paralajmeruara do të aplikohen për të gjithë.

Ajo gjithashtu theksoi se i mbetet palëve në kuadër të Bosnje&Hercegovinës të zgjidhin diferencat e tyre në raport me Kosovën.



 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)