11 Gusht 2022

Kroacia paralajmëron masa për tërheqjen e investimeve

Zagreb, 4 mars - Kroacia paralajmëroi vendosjen e masave për mënjanimin e pengesave me të cilat janë përballur investitorët, si dhe ndryshimin e Ligjit ekzistues për nxitjen e investimeve.

Këtë për mediat lokale e lajmëroi zv/kryeministri kroat përgjegjës për investime, Domagoj Millosheviq.

“Gjatë dy muajve të shkuar realizova takime me mbi njëqind investitorë, të cilët tashmë janë të pranishëm në Kroaci apo kanë ndërmend të investojnë këtu. Jemi duke punuar në mënjanimin e pengesave me të cilat janë përballur investitorët, ndërsa përgatisim edhe masa të reja”, tha Millosheviqi.

Ai vlerësoi se dy faktorë të rëndësishëm do të kenë ndikim shumë pozitiv mbi përmirësimin e klimës investuese, ndërsa kjo është përfundimi i negociatave me Bashkimin Evropian dhe lufta kundër korrupsionit.

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)