23 Maj 2022

Kosova promovon investimet para kompanive bavareze

Mynih, 25 shkurt - Mbi 100 përfaqësues të kompanive nga Bavaria kanë marrur pjesë sot në Mynih në konferencën për bashkëpunim ekonomik dhe investime në Kosovë.

Konferenca është organizuar bashkërisht nga Zyra në Vjenë e Agjencisë së Kosovës për Promovimin e Investimeve (APIK), Oda e Mynihut për Industri dhe Tregti (IHK München) dhe Ambasada e Republikës së Kosovës në Gjermani, me qëllim të prezantimit të mundësive për investime në Kosovë.

Kompanive gjermane u jane drejtuar Ministri i Tregtisë dhe Industrisë - Lutfi Zharku, Ambasadori Vilson Mirdita,  udhëheqësi i zyres së APIK-ut në Vjenë - Kujtim Dobruna, kryetari i Odës Ekonomike të Kosovës - Besim Beqaj si dhe përfaqësues të Odës së Mynihut për Industri dhe Tregti, investitorë gjerman të pranishëm në Kosovë, përfaqësues të GTZ-së gjermane dhe programeve të USAID.

Përfaqësuesit e institucioneve të Kosovës kanë ftuar kompanitë gjermane që të investojnë në Kosovë, duke ju garantuar atyre shërbime efikase dhe duke ju prezantuar argumente që e bëjnë Kosovën më interesante për investime.

 

Ministri Lutfi Zharku ka garantuar përkrahjen e Qeverisë së Kosovës për investitorët e huaj, duke përmendur edhe qëllimin e nënshkrimit të një marrëveshjeje për mbrojtjen e investimeve në mes të Kosovës dhe Gjermanisë, njejtë siq është bërë me Austrinë para disa javësh.

Zyra e APIK-ut në Vjenë dhe programet e USAID në sektorin privat u kanë ofruar investitorëve potencial shërbime konkrete për ti lehtësuar investimet e tyre në Kosovë. Vetë pjesëmarrja kaq e madhe në konferencë, që ka befasuar edhe organizatorët, është fakt i qartë që interesimi i investitorëve nga rajoni gjermanofolës për Kosovën është në rritje, tha Kujtim Dobruna, udhëheqës i zyres së APIK-ut në Vjenë.

Pas përfundimit të prezantimeve dhe diskutimeve në konferencë, përfaqësuesit e Institucioneve të Kosovës kanë pasur një numër të madh takimesh direkte me investitorë potencial ku janë diskutuar mundësi konkrete për investime e bashkëpunim ekonomik.

 

Kalendari

Ngjarjet e datës 24 maj 2022 - Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)