05 Shkurt 2023

Kosova do të ofroj kushte me të mira për bizneset britanike

Prishtinë, 18 mars - Zëvendëskryeministrja dhe ministrja e Tregtisë dhe Industrisë, Mimoza Kusari-Lila, priti në takim ambasadorin e Britanisë së Madhe në Prishtinë, Ian Cameron Cliff, me te cilën biseduan për thellimin e bashkëpunimit në fushat me interes për Kosovën dhe Britaninë e Madhe.

Ministrja, Kusari-Lila e informoi ambasadorin, Cliff, për zhvillimet e fundit dhe për reformat të cilat synojmë t’i zbatojmë për ta përmirësuar ambientin e biznesit në Kosovë.

"Po ashtu edhe disa prej vështirësive që ekzistojnë po shpresojmë se do t’i tejkalojmë  me zbatimin e marrëveshjeve tregtare rajonale dhe me bashkëpunimin me vendet e Bashkimit Evropian". tha Kusari - Lila.

Sipas saj ka interes të përbashkët qe të identifikohen mundësit për investime dhe pjesëmarrje te bizneseve britanike në Kosovë.

"Shpresojmë në një të ardhme kur do të jemi në gjendje të fascilitojmë bashkëpunimin ekonomik dhe tregtare të ekonomive të dy vendeve, potencoi ministrja Kusari-Lila.

Ndërsa, ambasadori britanik, Cliff tha se me ministren diskutuam për disa çështje të ndryshme me interes për të dy palët.

"Kemi bërë edhe disa shërbime rreth ca pengesave të cilat kanë qenë në mes Kosovës dhe bizneseve britanike kështu që besoj thellë se Kosova është e gatshme që të ofrojmë në të ardhmen një ambient edhe më cilësor për bizneset”, u shpreh  ambasadori Cliff. 

Ministrja Kusari-Lila dhe ambasadori britanik, Cliff u zotuan se do ta thellojnë edhe më tutje bashkëpunimin në mes dy vendeve.

 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)