08 Shkurt 2023

Inflacioni në Britaninë e Madhet rritet në nivelin 5.5 për qind

Londër, 17 shkurt - Inflacioni britanik ka mbetur në nivelin më të lartë të 30 viteve, pas rritjes në janar, pasi thellimi i një krize të kostos së jetesës po shtrëngon të ardhurat e familjeve, sipas shifrave zyrtare.

Zyra për Statistikat Kombëtare (ONS) tha se inflacioni i Indeksit të Çmimeve të Konsumit (CPI) arriti në 5.5% në janar, nga 5.4% në dhjetor duke mbetur në nivelin më të lartë që nga marsi 1992, kur arriti në 7.1%.

ONS tha se kostoja e rrobave dhe këpucëve nxiti rritjen e inflacionit muajin e kaluar, bashkë me zbritjet më të ulëta të muajit janar në dyqane që prej vitit 1990. Por inflacioni po rritet në të gjithë ekonominë, duke e rritur CPI në më shumë se dyfishin e objektivit prej 2% të Bankës së Anglisë.

Rritja e çmimeve të energjisë dhe kostove të karburantit kanë qenë faktorët më të mëdhenj në nxitjen e inflacionit deri në nivelet më të larta gjatë 30 viteve, megjithëse çmimet e ushqimeve dhe pijeve dhe shumë artikuj thelbësore të përditshëm kanë qenë gjithashtu në rritje.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)