28 Nëntor 2021

Hapet Panairi i Punës 2010

Prishtinë, 13 maj - Sot Oda Ekonomike Amerikane organizoi Panairin e 7-të të Punës, i cili këtë vit u organizua me përkrahjen e Programit për Ndërmarrje Private të Kosovës, i USAID-it. Sponzor gjeneral i këtij panairi ishte konsorciumi Bechtel and Enka.

Hapja zyrtare e Panairit të Punës 2010 u bë me një fjalim nga Fatmir Limaj, Ministër i Transportit dhe Telekomunikacionit, si dhe David Cowles, Drejtor i Programit për Ndërmarrje Private të Kosovës. Limaj theksoi se projekti më i madh në infrastrukturën e vendit, Rruga Morinë Merdare do të jetë një front i rëndësishëm i punësimit në vend. “Bechtel dhe Enka po përmbush sot një angazhim të marrë publikisht dhe përmes kontratës me Qeverinë e Kosovës për të rekrutuar dhe punësuar staf lokal dhe jam i bindur që ky proces do të jetë zingjir nga puna në terren deri tek shërbimet mbështetëse në të gjithë vendin” tha Z. Limaj.

Më këtë rast Limaj gjithashtu falënderoi pjesëmarrësit në Panairin e Punës 2010, dhe specifikisht Odën Amerikane “që për 6 vite me radhë ka vazhduar të ftojë bizneset në panaire të tilla punësimi ku njerëzit ndjehen se kanë mundësi të konkurrojnë hapur dhe kompanitë mund të zgjedhin më të mirët.”

Sipas ministrit Limaj, papunësia është një shqetësim i vazhdueshëm për të gjithë, por është njëkohësisht edhe një angazhim permanent i Qeverisë për të përmirësuar këtë situatë, për të ulur nivelin e papunësisë, duke hapur fronte të reja pune.

“Qeveria po punon intensivisht për të rritur hapësirat për investime të huaja dhe lehtësuar procedurat për nisjen e bizneseve vendase çka do ti jepte një shtysë të madhe ekonomisë në vend dhe sektorit të punësimit në veçanti” theksoi Limaj.

Ndërsa, Cowles theksoi se mbi 40% e fuqisë punëtore në Kosovë janë të papunësuar dhe se strategjia e Programit për Ndërmarrje Private për të adresuar papunësinë në Kosovë përfshinë, ndër tjera, trajnime të punëkërkuesve, financimin e punës praktike, dhe sponzorimin i panaireve për sektorë specifikë që ndihmojnë në ndërlidhjen e punëkërkuesve të trajnuar me punëdhënës.

Përvec konsorciumit Bechtel and Enka, kompanitë pjesëmarrëse në këtë Panair ishin: ProCredit Bank, KPMG, PriceWaterhouseCoopers, BU&Patners, Coca Cola Hellenic Kosovë, 3CIS, MDA, dhe ISES Universum. Këto kompani i prezantuan mundësitë e punësimit dhe të punës praktike, si dhe shfrytëzuan mundësinë për te krijuar rrjet me punëkërkuesit.

Panairi i Punës ishte një rast unik për punëkërkues që të njihen me punëdhënës në Kosovë, dhe kjo është një prej strategjive të preferuara të punëdhënësve për të rekrutuar.

Panairi i Punës organizohet nga Oda Ekonomike Amerikane për shtatë vite me radhë dhe ka kontribuar në uljen e papunësisë dhe krijimin e një koncepti të ri të kërkimit të punës.
 

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)