05 Tetor 2022

Hapet panairi i ndërtimtarisë, energjetikës dhe industrisë së drurit

Prishtinë,18 maj - CEO-Congress & Event Organization 18 deri më 21 maj në Pallatin e Rinisë në Prishtinë do të mbahet panairi ndërkombëtar i specializuar në fushën e ndërtimit, energjetikës, teknikës dhe industrisë së drurit ˝EXPOKOS 2011˝.

Panairi ˝EXPOKOS 2011˝ shënon edicionin e dhjetë jubilar të tij me rritje të konsiderueshme dhe suksese të vazhdueshme që ka shënuar për një dekadë të tërë.

Edicioni i sivjetshëm do të karakterizohet me risi të shumta ku numri i kompanive ekspozuese do të jetë më i lartë se asnjëherë më parë. Pjesëmarrës me produktet dhe shërbimet e tyre do të jenë kompani nga Kosova, rajoni dhe vendet e bashkimit Europian dhe më gjerë. 
 
Në panairin ˝EXPOKOS 2011˝ përveç prezantimit individual të qindra kompanive, do të marrin pjesë emra të njohur të firmave nga Sllovenia të cilët mbështeten nga Agjencia për promovimin e eksportit, kompani nga Kroacia të organizuara nga Oda Ekonomike e Kroacisë, pavijoni i kompanive nga Turqia të mbështetura nga qeveria Turke, pavijoni i kompanive nga Bosnja, kompani nga Greqia bashkë me Odën Ekonomike të Kozanit, kompani prodhuese nga Kosova të mbështetura nga USAID-i, pavijoni i kompanive nga Lugina e Preshevës të mbështetura poashtu nga USAID-i etj.

Pjesëmarrës me stendat e tyre do të jenë edhe Agjencioni për Promovimin e Investimeve të Huaja në Kosovë (APIK) dhe Komisioni Italian i Tregtisë.

Panairi do të vizitohet nga delegacione të larta qeveritare nga Kosova dhe rajoni si dhe nga komuniteti i biznesit si: odat ekonomike, agjencitë për promovimin e investimeve etj., që do të marrin pjesë në aktivitetet paralele që do të zhvillohen gjatë panairit, si takimet B2B, prezantime dhe diskutime të shumta në mes të bizneseve nga Kosova dhe vendet tjera. Në panairin ˝EXPOKOS˝ do të prezantohen produkte të shumëllojshme nga teknologjia e avancuar nga prodhuesit më të njohur ndërkombëtar të fushës së ndërtimit, energjetikës, makinerisë dhe përpunimit të drurit.

˝EXPOKOS˝ për këto vite është shndërruar në një katalizator në realizimin e misionit parësor për nxitjen e tregtisë në mes kompanive kosovare dhe atyre të huaja, në një medium i cili ka shërbyer dhe po shërben për të tërhequr dhe rritur interesimin për investimet e kompanive të huaja në Kosovë dhe për të zhvilluar e stimuluar bashkëpunimin tregtar në mes të Kosovës dhe vendeve të rajonit, vendeve të Bashkimit Evropian dhe më gjerë.

Gjatë kohës së panairit organizatori (CEO-Congress & Event Organization) do të mbajë një manifestim me rastin e kremtimit të edicionit të dhjetë jubilar të panairit ndërkombëtar ˝EXPOKOS˝.

 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)