29 Mars 2024

Hapet në Poloni Forumi Ekonomik i Evropës

Varshavë, 19 maj - BE-ja, ekonomia më e madhe e botës po përballet me mungesën e investimeve për modernizimin e infrastrukturës dhe në novacion.

Zyrtarë të unionit mendojnë se BE-ja, duhet të shtojë aftësinë e saj konkurruese për të krijuar vende të reja pune.

Ky diskutim shtrohet nga kryetari i Parlamentit Evropian, Jerzy Buzek, pjesëmarrës në \"Forumin e III Ekonomik të Evropës\".

Fjalën e hapjes e mbajti kryeministri polak, Donald Tusk, vendi i të cilit do të jetë kryesues i radhës i BE-së. Në fjalimin e tij, zoti Tusk, shprehu dëshirën që Kroacia të anëtarësohet në BE.

Një tjetër zotim i Polonisë, si kryesuese e radhës BE-së, është përpjekja për formimin e një tregu të lirë e të integruar brenda Bashkimit Evropian.

Kryetari i Parlamentit Evropian, Jerzy Buzek, ishte më i drejtpërdrejtë në paralajmërimet e tij për ekonominë evropiane.

Megjithëse BE-ja është ekonomia më e madhe në botë, tha Buzek, rritja e saj ekonomike është tejet e ngadalë.

Kryetari Buzek kritikoi gjithashtu vendet evropiane, se nuk po investojnë sa duhet për modernizimin dhe novacion.

Ai theksoi që BE-ja duhet medoemos të shtojë aftësinë konkurruese, të shpejtojë reformën strukturore, për të krijuar kështu më shumë vende pune.

\"Forumi i III Ekonomik i Evropës\", u hap më 16 maj, në qytetin Katowice të Polonisë. Diskutimet në forum do të fokusohen tek aftësia konkurruese, siguria energjike dhe stabiliteti i tregut të BE-së.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)