30 Janar 2023

Gjermanët interesohen për klimen e investimeve në Kosovë

Berlin, 14 maj  - Ministrja e Tregtisë dhe Industrisë, Mimoza Kusari-Lila, në kuadër të vizitës së saj bërë Berlinit u takua me ekspertët e Ministrisë Federale të Ekonomisë dhe Teknologjisë (MET), Odës Ekonomike të RF Gjermane si dhe ekspertë të tjerë përgjegjës për mbrojtjen e investimeve në Qeverinë Gjermane.

Gjatë këtyre takimeve, posaçërisht në atë me ekspertët e ekonomisë, u prezantuan nismat e reja për reformat në ekonominë kosovare.

Ata biseduan po ashtu për potencialin që ofron Kosova si dhe pengesat me të cilat mund të ballafaqohen investitorët, në këtë rast ata gjermanë.

Ekspertët gjermanë ishin të interesuar të dinë më shumë për reformat në pushtetin lokal si dhe ato në fushën e arsimit, si dy nga aspektet kryesore për zhvillim të qëndrueshëm.

Ata vlerësuan qëndrimin e ministres Kusari - Lila ndaj gjendjes aktuale të ekonomisë kosovare dhe hapat që po ndërmerren nga Qeveria e Kosovës. Gjithashtu, ata premtuan se do të jenë të angazhuar në iniciativat e ardhshme të Qeverisë së Kosovës.

Edhe gjatë takimit me deputetë të Bundestagut Gjerman u bisedua në lidhje me mundësitë për të investuar në Kosovë si dhe nevojën e domosdoshme për intervenim reformues për ekonominë e Kosovës.

Ministrja Kusari-Lila u takua po ashtu edhe me Ambasadorin Nikolaus Graf Lambdorf, i ngarkuari special në MPJ-në Gjermane për Ballkanin Perëndimor, Turqinë dhe vendet e EFTA-s.

Në këtë takim u kërkua përkrahja e shtetit Gjerman në proceset integruese në BE, posaçërisht sa i përket masave preferenciale, marrëveshjes tregtare me BE-në, anëtarësimin në BERZH dhe proceset tjera integruese.   
 
Në fund të vizitës së saj, Zv. Kryeministrja u takua edhe me Dr. Christoph Heusgen, këshilltar për Politikë të Jashtme i Bundeskancelares Merkel.

Në takim u diskutuan çështjet që kanë të bëjnë me CEFTA, masat preferencial me BE-në, liberalizimi i vizave si parakusht për tregti të lirë si dhe u kërkua përkrahja e shtetit gjerman në këto procese nëpër të cilat po kalon Kosova.

 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)