25 Tetor 2021

FMN paralajmëron për rrezikun e luftës tregtare

Washington, 5 maj - Fondi Monetar Ndërkombëtar (FMN) u bëri thirrje vendeve të bien dakord mbi taksën "e domosdoshme" globale për të ardhurat e korporatave, duke paralajmëruar se mungesa e saj mund të çojë në taksa kaotike ose luftë tregtare pa rregulla globale.

"Veçanërisht jemi optimistë për një marrëveshje globale mbi taksimin e të ardhurave të korporatave në vitin 2021", tha drejtoresha e FMN-së, Kristalina Georgieva gjatë një lansimi virtual të librit.

Ajo theksoi se e gjithë bota po përballet me dy kriza shkatërruese dhe shumë të kushtueshme të shkaktuara nga koronavirusi dhe ndryshimet klimatike.

"Këto nevoja urgjente u bashkuan me frymën e rizgjuar të multilateralizmit japin një mundësi unike për të rimenduar dhe rregulluar sistemin ndërkombëtar të taksave, për të krijuar një sistem që vërtet është i përshtatshëm për shekullin 21", tha ajo.

Georgieva theksoi se qasja shumëpalëshe do të ishte mënyra e vetme për të siguruar që kompanitë shumëkombëshe me shumë fitime të paguajnë taksë të mjaftueshme dhe që ata t'u paguajnë vendeve ku ata kanë angazhime të konsiderueshme, përfshirë vendet me zhvillim me të ardhura të ulëta.

"Sistemi ndërkombëtar i taksave të korporatave është bërë aq i errët dhe i shtrembëruar. Por, ne kemi një mundësi të veçantë këtë vit që t'i sjellim dritën e thjeshtësisë dhe drejtësisë", nënvizoi ajo.

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)