17 Janar 2022

Fillon prodhimi i dyerve dhe dritareve Afri Univerzal

Mitrovicë, 23 qershor - Kryetari i Odës Ekonomike të Kosovës, Safet Gërxhaliu, kryetari i Komunës së Mitrovicë, Avni Kastrati dhe pronari i Kompanisë Afri Univerzal, Afrim Osmani sot kanë përuruar solemnisht objektin për prodhimin e dyerve dhe dritareve në Mitrovicë.

Me këtë rast kryetari i OEK-ut Safet Gërxhaliu ka thënë se hapja e objekteve të tilla prodhuese është orientim dhe angazhim i OEK-u dhe se bashkëpunimi me Kompaninë Gjermane Gealan, paraqet realizim i përcaktimit të Odës që të behët bartja e teknologjive më bashkëkohore në ekonominë e Kosovës.

Ai ka vlerësuar se vëllezërit Osmani duke investuar afro 1 milion euro në këtë objekt dhe duke krijuar 40 vende të reja të punës drejtpërdrejtë  kanë dhënë kontribut konkret zhvillimit ekonomik të vendit dhe zgjidhjes së probleme aktuale. Ekonomia e vogël dhe e mesme janë shtyllat e zhvillimit ekonomik të vendit ka thënë Gërxhaliu dhe ka shpreh falënderimin ndaj biznesmenëve kosovar duke i quajtur heronj të pasluftës së Kosovës.

Kryetari i Komunës së Mitrovicë, Avni Kastrati ka theksua se është për çdo lëvdatë angazhimi i Afri Univerzal që me investim në prodhimtari të jep shembull konkret në zhvillimin e mëtejmë të vendit.

Komuna e Mitrovicë do të përkrah të gjitha ata që vendosim që të investojnë dhe përparojnë biznesin e vet por edhe të ndihmojnë në zgjidhjen e probleme të mprehta sociale me të cilat po ballafaqohet komuna e Mitrovicës dhe vendi, tha kryetari Kastrati.

Pronari i Afri Univerzal, Afrim Osmani deklaroi se me këtë investim në masë të madhe kanë zgjeruar veprimtarinë e kompanisë dhe u falënderua të gjithëve për përkrahjen që po i japin me pjesëmarrje në solemnitetin e përurimit të objektit prodhues i cili funksionon sipas teknologjisë më të avancuar në lëmine e prodhimit të dyerve dhe dritareve.

 

Kalendari

Ngjarjet e datës 17 janar 2022

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projekt-Kodin e Procedurës Penale dhe projektligjin për bashkëpunim juridik ndërkombëtar në çështjet civile. (Ndërtesa e Kuvendit, salla N506, ora 9:00)

- Instituti Demokratik i Kosovës organizon tryezën më temë “Shpenzimet e parasë publike në kategorinë e subvencioneve dhe investimeve kapitale gjatë mandatit qeverisës 2018-2021”. (Hotel Sirius, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Universiteti Publik “Kadri Zeka” në Gjilan,  do të shënojë Janarin e Përflakur më çrast do të mbahet tribunë e hapur në të cilën do të ketë dy ligjërata "Flakadanët e lirisë" dhe Jusuf Gërvalla - Atdhetari dhe krijuesi. (Amfiteatrin i Universiteti të Gjilanit, ora 11:00)  

- Partia Socialdemokrate do të mbaj konferencë për media lidhur me projektligjin për inspektime të propozuar nga Qeveria e Kosovës. (Zyra e PSD-së, në rrugën Bajram Kelmendi, ora 13:00)

- Në kuadër të manifiestimit 'Flaka e Janarit' mbahet akademie e Flakës 2022. (Teatri i qytetit të Gjilanit, ora 17:00)

 

- Në 40 vjetorin e vrasjes së Jusuf e Bardhosh Gërvallës dhe Kadri Zekës, shkëlqesia e Tij, Albin Kurti, Kryeministër i Republikës së Kosovës, organizon Akademinë Përkujtimore në nderim të tre veprimtarëve të shquar të çështjes kombëtare. (Salla e Kuqe, Pallati i Rinisë dhe Sporteve, Prishtinë, ora 17:00)

- Hapet ekspozita kolektive e artit pamor. (Galeria e qytetit të Gjilanit, ora 19:00)