16 Maj 2022

Fillon java e biznesit kosovar, "Konsumoni produkte vendore"

Prishtinë, 4 tetor - Kryeministri i Kosovës Hashim Thaçi bëri hapjen solemne të karvanit “Javët e Biznesit Kosovar, 2010”, bashkë me kryetarin e Aleancës Kosovare të Biznesit. (AKB), Agim Shahinin dhe Ministrinë e Tregtisë dhe Industrisë Lutfi Zharku.

Thaçi shprehu gatishmërinë që ta ndihmoi biznesin dhe bëri thirrje për konsum të produkteve vendore. Ai tha se Kosova është një shtet i cili ka politika të favorshme për zhvillimin e biznesit dhe sipas tij, gjithashtu taksa të ulët.

Thaçi e lavdëroi punën e AKB-së, duke e cilësuar si të suksesshme në promovimin e produkteve vendore. “AKB-ja ka dëshmuar përkushtimin nëpër vite për promovimin e produkteve vendore duke vetëdijesuar qytetarët që të konsumojnë produkte vendore”, tha Thaçi.

Ai shtoi se partneriteti në mes bizneseve dhe qeverisë së Kosovës do të vazhdoi. “Promovimi i produkteve vendore mbetet e prioritet i qeverisë. Me zhvillimin e sektorit privat do të ketë rrije ekonomike dhe ulje të papunësisë edhe në aspektin afatgjatë”, tha ai.

Thaci tha se Qeveria ka dëshmuar se është e hapur që ta ndihmoi sektorin privat.

Ai nuk harroi ta lavdëroi edhe punën e Qeverisë së Kosovës që është duke e bërë në ndërtimin e autostradës dhe konsesionimin e aeroportit. Ai përmendi edhe privatizimin e PTK-së dhe projektin “Kosovare e Re”.

Ai tha se rezultatet e Kosovës janë të mëdha në aspektin ekonomikë.

“Me uljen e taksave qeveria ka arritur që  ta stimuloi biznesin privat”, tha Thaci.

Kryetari i AKB-së, Agim Shahini tha se  objektiva e tyre është që të promovoi ekonominë kosovare, të rrisë konsumin e produkte vendore të stimuloi prodhimet vendore me standarde evropiane. “Motoja e javëve të biznesit është konsumimi i produkteve vendore duke e zëvendësuar importin. Zhvillimi i biznesit do të zhduk varfërinë e skajshme dhe ta përmirësoi cilësinë e jetës së qytetarëve të Kosovës”, tha Shahini.

Ai tha se do të vazhdoi partneriteti në mes qeverisë dhe bizneseve për ta rritur ekonominë e vendit dhe numrin e të punësuarve. “Bashkëpunimi i AKB-së me MTI-në, MEF-in, dhe APIK-ut kjo fushat po bëhet edhe më madhështore dhe dëshmon partneritet institucional”, tha Sahini.

Ndërsa Lutfi Zharku tha se prodhimet vendore i plotësojnë të gjitha cilësitë sa i përket standardeve evropiane dhe se konsumimi i tyre është duke u rritur çdo ditë e më shumë.

“Pa dyshim se këto prodhime vendore dukshëm do ta zvogëlojnë importin dhe do ta rrisin ekonominë e Kosovës. Qeveria e Kosovës, gjegjësisht MTI-ja gjithmonë është angazhuar që të krijoj kushte të mira për zhvillimin e biznesit në të gjitha fazat e ngritjes së një biznesi”, tha Zharku.

Kryeministri Thaci vazhdoi rrugën nëpër sheshin “Nëna Terezë”, që prodhuesit vendore kishin ekspozuar produktet e tyre për t’i shikuar nga afër.

“Javët e Biznesit Kosovar, 2010”, do të vazhdojnë nga Prishtina në Mitrovicë me 5 tetor. Me 6 tetor në Pejë. 7 tetor në Prizren. 8 tetor në Ferizaj. 11 tetor vizitë institucioneve qeveritare dhe 12 tetor përmbyllja e këtij karvani për promovimin e produkteve vendore.
 

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)