01 Shkurt 2023

Dogana shkatërron mallra të falsifikuara

Prishtinë, 16 shkurt - Dogana e Kosovës ka njoftuar se vazhdon me shkatërrimin e mallrave të falsifikuara. Sot ne Degën Doganore Hani Elezit, është bërë shkatërrimi i mallit të një marke tregtare për te cilën është konstatuar se shkel të drejtën e pronësisë intelektuale.

Bazuar në dispozitat ligjore 03/L-170/2009 Masat Doganore  për Mbrojtje të të Drejtës së Pronësisë Intelektuale, Dogana e Kosovës ndërmerr veprime të tilla në prezencën e importuesit të mallit dhe përfaqësuesit ligjor të Kompanive te Autorizuara nga bartësit e të drejtës së markave tregtare.

Lloji i mallit të shkatërruar sipas doganes është kopjim nga marka botërore “ABERCROMB & FITCH”. Mallrat e shkatërruara  ishin të falsifikuara dhe si të tilla i nënshtrohen shkatërrimit. Këto mallra janë konfiskuar gjatë tentim importit, pas verifikimit nga ana jonë dhe e kompanisë që ka të drejtat e pronësisë është vërtetuar se janë kopjuar. 

Dogana e Kosovës inkurajon të gjitha kompanitë të cilët importojnë mallra origjinale të aplikojnë në Doganën e Kosovës për mbrojtjen e markave tregtare të tyre ashtu që ne të ndërmarrim masat doganore për mbrojtjen.

Kurse dogana paralajmëron kompanitë të cilat importojë mallra të falsifikuara se këto lloj mallra mund t’i nënshtrohen konfiskimit dhe shkatërrimit nëse vërtetohen se shkelin të drejtën e Pronësisë Intelektuale.

 

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)