06 Tetor 2022

Dogana mbledh 75 % të hyra për buxhetin e Kosovës

Prishtinë, 18 maj -  “ Doganat e Kosovës kanë shënuar sukses të pakontestueshëm dhe rangohen lartë për nga shkalla e profesionalizmit, si në mesin e institucioneve vendore ashtu edhe në nivel të rajonit, por edhe më gjerë” , ka deklaruar sot para studentëve të Kolegjit ‘Pjetër Budi” , drejtori i përgjithshëm i Doganave të Kosovës, Naim Huruglica.

Huruglica, i cili mbajti një ligjëratë të hapur para studentëve të drejtimit ‘Doganë e Shpedicion” të Kolegjit , ka nënvizuar se buxheti i Kosovës edhe më tej mbështetet në masë të madhe nga Doganat e Kosovës.

Sipas tij rreth 75 për qind e të hyrave buxhetore në nivel vendi sigurohen nga puna e palodhshme e 600 punonjësve të ‘Doganave të Kosovës’, mirëpo, si ka shtuar Huruglica “janë edhe sferat tjera në të cilat po shënohen suksese të një pas njëshme, si në fushën e mbrojtjes së ekonomisë së ligjshme, po edhe në sferën e sigurisë.
 
Si ilustrim të efikasitetit të punës së këtij institucioni, drejtori i Doganave të Kosovës, përmendi edhe vlerësimin që atij i bëri Komisioni Evropian gjatë vitit 2009, kur ‘Doganat’ u vlerësuan pakrahasueshëm më mirë se instituicionet e tjera.

Huruglica është ndalur edhe në problemet e funksionimit të doganave në veri, të cilat, siq ka vlerësuar ai “po e dëmtojnë buxhetin e Kosovës për 30 milionë euro në vit”, pastaj në cështjet që përkojnë me liberalizimin, pastaj me nismat e reja që pritet të rrumbullakësohen me hapje të pikave të reja kufitare, etj.
 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)